افغانستان تینچلیک جریانی بوییچه آمریکا خاص نمایندهسی زلمی خلیلزاد، افغانستانده اوروش طرفلریدن زوروانلیکلرنی کمهیتیریشلرینی سورهگن.
بوگون "دوشنبه" جناب خلیلزاد نینگ سونگی کونلرده زوروانلیک کوپهیشیدن خواطر بیلدیریب توییتر صحیفهسیده یازیشیچه، زوروانلیک کوپهیتیریلیشی «تاسفلی» دیر.
اونینگ کوپهیتیریشیچه، زوروانلیکلر کوپهیشی نتیجهسیده کوپینچه تینچ اهالی هلاک و یرهلنگنلر. افغانستان تینچلیک جریانی بوییچه آمریکا خاص نمایندهسی، اوروش طرفلریدن زوروانلیکنی کمهیتیریشلرینی ایستهگن.
قطر باشکنتی دوحه ده افغانستان دولتی و طالبان گروهی آرهسیده یوزمهیوز سوزلشوولر باشلنگن بیر حالده، افغانستانده طالبان گروهی نینگ هجومی کوپهیگن.
افغانستان تینچلیک جریانی بوییچه آمریکا خاص نمایندهسی، اوتگن "یکشنبه" کونی بیر توییت آرقهلی، افغانستانلیکلر ارا سوزلشوولرنی «یخشی فرصت» عنوان قیلیب افغانستان دولتی و طالبان گروهی دن تینچلیک تامینلنیشی اوچون اوشبو فرصت دن فایدهلنیشلرینی سورهگن ایدی.
