امریکا قوشمه ایالتلرینینگ جمهور رییسی ینگیدن سیلهنیشی بیلن رسمی کابل – واشنگتن توغریسیدهگی تشویشلر آخرگه کیلیب اوز پایانیگه ییتدی. اوتگن کیچه ترامپ جمهور رییس غینی بیلن تیلفون آرقهلی اوتکزگن صحبتده افغانستان حکومتیگه کورسه تیله دیگن همکارلیکلر دوامی اوستیده تاکید قیلگن. ترامپ، حکومتی افغانستاننی حمایت قیلیب بو مملکت یانیده توریشی اوچون وعده بیرگن.
ترامپگه کوره، افغانستان حکومتی کوپراق امنیتی همکارلیکلرگه احتیاج سیزگن حالده، امریکا قوشمه ایالتلری « لازم مسالهلرنی تیکشیریگن»دن کیین بو توغریدهگی همکارلیکلریگه سابقدن کوره کوپراق اعتبار قرهتهدی.
جمهور رییسلیک سرایی نینگ مطبوعات بولیمیدن نشر بولگن خبرنامهده، امریکاجمهور رییسی افغانستان طبیعی منبعلری دقتگه سزاوار دیب و امریکا دولتی بو منبعلردن فایدهلهنیش اوچون افغانستان حکومتیگه کومک قیلیشی ممکن دیگن. شونینگدیک ترامپ، افغانستان اقتصادی رواجلهنیشی اوچون کته کوچگه ایگه بو مملکتدهگی ییر آستی طبیعی عنصرلر افغانستان نینگ اینگ بایلیکلریدن سلنهدلهدی.
غنی و ترامپ، منطقه مسالهسی جملهدن ترورچلیککه قرشی کورهش اوستیده تاکید قیلگنلر. ترورچیلرنی حمایت قیله دیگن عنصرلر هر تامانلمه تیکشیریلیشی و بو پدیدهگه قرشی کورهش ایکّی رهبر ملاقاتی نینگ اساسی موضوعی بولگن.
افغانستان جمهور رییسلیک سرایی نینگ خبرنامهسیده، ملاقاتده مملکت جمهور رییسی، اخیرگی اون بیش ییل جریانیده امریکا حربیلرینینگ افغانستان اوروشیده بیرگن قربانلیگی همده بو مملکت خلقی نینگ افغانستان ترقیاتی اوچون کورستگن کومکلریگه اشاره قیلیب، رسمی کابل – واشنگتن ترورچیلیککه قرشی مشترک کورهشیب باره دیگن موضوع امریکا قوشمه ایالتلرینی افغانستان خلقی نینگ بنیادی بیر شریکیگه ایلنتیریب قویگن دیگن.
غنی نینگ سوزلریگه قرهگنده، افغانستان ترقیاتی اوچون امریکا قوشمه ایالتلرینینگ سرمایه یاتقیزیشی دستلبکی باسقیچلرده ثمرهلی دیر و بو یولدهگی سعی و حرکتلر دام ایتیشی ایسه افغانستاننی اوز ایاغیگه توریشی اوچون هر تامانمله حمایت قیلهدی دیگن.
شونینگدیک گپریش جریانیده افغانستان ملی کوچلریگه اشاره قیلگن جمهور رییسغنی، افغان حربیلری مملکتلری امنیتی و یوتوقلر سقلهنیب قالیشی اوچون هیچ قنده سعی و حرکت آلیب باریشدن هاریمی دیلر دیگن. عین حالده، جمهور رییسغنی حاضر مملکتده ییرلشگن ناتو چهارچوبه سیدهگی اقش کوچلرینینگ تخنیکی و حربی همکارلیگینی آلقیشلب بو حربیلر افغانستانده بولیشی بو مملکت ملی کوچلری ایاققه توریشی اوچون حیاتی بیر مساله دیگن.
بو تیلفونی ملاقات جریانیده، امریکا قوشمه ایالتلرینینگ جمهور رییسی دونالد ترامپ بو خصوصده کوپراق بحث قیلیش اوچون جمهور رییس غنیدن واشنگتن گه سفر قلیشینی سورهگن. شونینگدیک جمهور رییس غینی ایسه ترامپدن فرصت بیلن افغانستاننی یقیندن کوریشینی طلب قیلگن. ترامپ، مملکتی نینگ افغانستاندهگی حربیلری ینه افغانستاننی یقیندن کوزهتیش اوچون بیرینچی فرصتلرده کابل کیلیشیدن سوز بیرگن.
بوندن آلدین امریکه نینگ ینگیدن سیلنگن جمهور رییسی اقش نینگ سابق جمهور رییسلریگه قرهگنده افغانستان سیاستی توغریسیده اونچهلیک اعتبار بیرمسلیگی حقیده خواطرلر بار ایدی. امریکالیک مذکور تاجر نیچه آی آلیب بارگن جدی سیلاولر آلدی ترغیبات برنامهسیدن سونگ جاری ییل عقرب آیی نینگ 19- سیده اصلی رقیبی خانم کیلنتوننی آرتگه اوریب آق اویگه یول تاپدی.
