افغانستان ملی بیرلیک حکومتی نینگ اجراییه باشلیغی عبداللهعبدلله لویه جرگه اوتکزیلیب تیزیم اوزگرتیریلیشی بارهسیده ینه بیر مرته تاکید قیلدی. او، لویه جرگهده افغانستان خلقی قندهی قرار قبول قیلسهلر شونگه موافق من دیگن.
اجراییه ریاستی نینگ باشلیغی بو قبیل سوزلرنی مملکتدن سابق شوروی قیزیل قوشینی چیقاریلگن لیگی مناسبتی بیلن آلینگن ییغینده سوزلب ایتگن.
شونینگدیک سابق شوروی قیزیل قوشینی چیقارگن افغانستان خلقیگه فخرلنیش کیرهک دیگن او. شو کبی عبدالله حاضرگی کونده هم افغان ملی کوچلری مملکتدهگی اوروشده قربان بیریشلری سابق شوروی قیزیل قوشینی بیلن بولگن اوروشدن هیچ بیر فرقی یوق دیگن.
حراست کینگشی نینگ باشلیغی ینه سابق جهاد سیمالریدن بیری عبدالرب رسول سیاف، حکومت بلند مرتبهلی رسمیلریدن مملکت حاضرگی وضعیتینی جدی نظرده توتیشلرینی طلب قیلگن.
ییغینده سوزلگن جناب سیاف، قوشنی دولتلر افغانستاننی یوق قیلیش اوچون آلگن پلانلریدن واز کیچیشلری اوستیده عحلیده تاکید قیلگن. او: « افغانستان نابو بولیشی مرکزی آسیا» یوقالیشی بیلن تینگ دیگن.
سابق جهادنینگ مذکور رهبری هیچ بیر زمان تیزیم یوق ایتیلیشی طرفداری ایمسلر، لکه مملکت تقدیری اوچون بی فرق قالمسلیکلرینی بیلدیرگن.
افغانستان ملی نوین جبههسی نینگ رهبری انورالحق احدی حاضر گی تیزیم قانونی ایمس دیگن. اونینگ تاکید قیلیب ایتیشیچه، حکومت خلققه بیرگن وعدهسیگه سیره هم عمل قیله آلمهگن.
شونینگدیک احمدی حاضرگی تیزیم ناکام ایکنلیگینی ینه بیر مرته تاکید قیلگن.
جمهور رییس نینگ سابق اورین باسری یونس قانونی، حکومت ادارهلرگه اصلاحات کیرتیشدن علاوه خلق آلدیده بیرگن ایشانچینی قیته دن قولگه کیرتیش اوچون پارلمانی سیلاولرنی اوتکزیشده جدی چاره تدبیر کوریشی خصوصیده تاکید قیلگن.
