اوتگن «یکشنبه» کون ایرته‌لب اچین تومنی نینگ مومنددره منطقه‌سیده داعش گروهی و اسلام لشکری آره‌سیده آتیشمه یوز بیرگن و بو آتیشمه اوشه کون توش‌گچه دوام تارتگن.
ننگرهار ولایتیده داعش گروهی و اسلام لشکری آره‌سیده یوز بیرگن آتیشمه‌ده 9 جنگری هلاک و باشقه 7 جنگری یره‌لنگن.
ننگرهار پولیس قومندانلیگی سوزلاوچیسی حضرت حسین مشرقی‌وال‌نینگ ایتیشیچه، اوشبو آتیشمه نتیجه‌سیده اسلام لشکری اعضالریدن 6 کیشی و داعش گروهی‌دن 3 کیشی هلاک بولگن و ایکی تاماندن باشقه 7 جنگری جراحت آلگن.
اچین تومنی‌نینگ قوم بویوک‌لریدن بیری ملک کمین‌نینگ ایتیشیچه، داعش گروهی و اسلام لشکری مومند دره منطقه‌سیده ایمس، بلکیم باندر منطقه‌سیده آتیشگن‌لر.
باشقه تاماندن جناب مشرقی‌وال، مذکور تومنده کیسکین حمایه‌وی کوچلر تامانیدن اویوشتیریلگن هوا هجومی نتیجه‌سیده 25 جنگری داعش هلاک ایتیلگنیدن خبر بیره‌دی. اونینگ ایتیشیچه، داعش گروهی‌نینگ بیر مقدار حربی جهازی امنیتی کوچلرنینگ قولی‌گه توشگن.
داعش گروهی حاضرگچه بو توغریده میدیاگه هیچ نرسه دیمه‌گن.
