مملکت سنامجلسینینگ اعضالری حکومت ملی مجلس و ولایتی کینگشلر سیلاولری اوتکزیلیش زمانینی معین قیلیش اوچون بیرگن وعدهسینی اونوتیب، اونی عملی قیلیشنی ممکن ایمس دیگنلر.
سنامجلسینینگ بیرینچی اورین باسری محمدعلم ایزدیار حکومتدن تیزلیکده ملی مجلس همده والسواللیکلر کینگشی سیلاولر زمانینی بیللی قیلیشنی سورهگن. شونینگدیک ایزدیار حکومتدن تنلاو کمیتهسینی تکمیل ایتیب، سیلاولرگه اصلاحات کیریتش کمیسیونی ایشلری عملی باشلهنیشینی طلب قیلگن.
اساسی قانونگه موافق سنامجلسینینگ اوچ دن بیر قسم اعضالری ولسواللیک کینگشلریدن سیلنهدی، اما حاضر اوشبو مجلسنینگ اوچ دن بیر قسم اعضاسی انتصابی قالگنی ایسه ولایتی کینگشلر نمایندهلریدن سیلنگنلر.
سنامجلسینینگ اعضالریدن بیری گل احمدعظیمینینگ سوزلریگه سیلاولر اوتکزیلیش زمانی کیچیکتیریش افغانستان حکومتی دنیا جماعهچیلیگی و اهالیگه بیرگن وعدهسی و دموکراسینینگ اولیش معنیسیده دیر.
سناتورلردن باشقه بیری گل محمد رسولی سیلاولر اوتکزیلیش زمانی انیقلهنیشی اوستیده تاکیدلب، سیلاولر دموکراتیک تیزیمنینگ اصلی پایهلردن دیب، حکومت سیلاولرنی اوتکزیش بیل دنیا جماعهچیلیگینینگ سیاسی و مالی حمایتینی کسب قیلیشی لازم.
عین حالده، مجلس اعضالریدن فریده کوچی مملکتده نابرقرارلیک آشگن، سیلاولر اوتکزیلگن حالده، یالغوز اولگن شهرلر اهالیسی رای بیریشگه قادر بولهدی و مملکتنینگ باشقه اهالیسی ایسه بو مدنی حقدن محروم بولهدیلر.
سنامجلسی بوندن آلدین حکومتنی آگاهلنتیریب، حکومت سیلاولرننی تیزلیکده اوتکزمهگن تقدیرده، ملی مجلسدن سناگه یوباریلهدیگن قانون اوستیده ایش قیلمسلیکلرینی ایتگنلر.
