افغانستان دین عالملر کینگشی پاکستاننی اولکهده اوتکزیلهدیگن ناتینچلیکلر اصلی عاملی بیلهدیلر و اوشبو اولکه گه قرشی «جهاد» نی فرض بیلهدیلر.
22- استد، مذکور کینگش اعضاسی کابل شاه شهید منطقهسیده بیر ییغین اوتکزیب، پاکستاننی اسلامگه قرشی عمللر اصلی عاملی ایکنلیگینی بیان قیلدیلر. اولرشاه شهید واقعهسیگه قرهتیب ایتیشلریچه، پاکستان نظامی و استخباراتی تشکیلاتی افغانستانده اوتکزیلهدیگن خوکش هجوم و پارتلش حادثهلریگه قولی بارلیگیگه قارهلیدیلر.
اهالی شیرین اویقودهلیک حالتیده، کابل شاه شهید منطقه سیدهگی کیچه یریمیده اوتکزیلگن بیر هفته آلدینگی قانلی هجوم روی بیریشی بیلن اهالیدن 20 کیشی هلاک و 400 دن آشه انسان یرهلنگن ایدی.
اوشبو کونده پولیس اکادمی ایشیگیده باشقه بیر خودکش هجوم روی بیریشی بیلن امنیتی کوچلردن 40 کیشی هلاک بولگن ایدی.
ملی امنیت ریاستی شاه شهید ده روی بیرگن حادثه عاملی پاکستاننی بیلهدی و افغانستان بیلن پاکستان ارا اوتکزیلهدیگن نیابتی اوروشده طالبلر قورال بولگنلیگینی بیلدیرهدی.
بو هجومده پاکستاننینگ قولی بارلیگی سبب اهالی پاکستانلیک نرسهلردن استفاده قیلینمسلیگینی سورهگن.
افغانستان دین عالملر کینگش اعضالریدن بیری عزیز مفلحنینگ ایتیشیچه، پاکستان افغانستاننی اشغال قیلیش قصدیده دیر. او پاکستانگه قرشی جهادنی جاری قیلیشیگه تأکید قیلهدی.
جناب مفلحنینگ بیلدیریشیچه، فضلالرحماندن تا سمیعالحق گچه همهسی اسلام دریچهسیدن سوزلشهدیلر و بونقه مسلمان نمالیکلری بیلن اولکهنی اشغال قیلیشگه کورشهدیلر.
اولکه عالملر کینگش اعضاسینینگ بیلدیریشیچه، نیاز بولگن صورتده حربی کییم کییهدیلر و امنیتی کوچلر قطاریده توریب، دشمنگه قرشی اوروشهدیلر. اولر، افغان اهالیسی هیچ بیر دشمنگه بویین سوندیرمهگنلر و ابدگچه هم سوندیرمسلری ممکن دیگنلر.
شونینگدیک عالملرکینگشی حکومتدن اهالیگه دین بارهسیگه بیلدیریش و ارشاد اوچون بیر ریاستنی ایجاد ایتیشینی سورهگنلر.
بو شوپیتده بولهدی که ایکی کون آلدین جمهور رییس بیرخبری ییغین اوتکزیشی بیلن افغانستان اوچون پاکستاننی صادق ایمسلیگینی بیلدیرگن ایدی و حاضرهم افغانستانده اوروش پیامی اوشبو اولکهدن یوباریلهدی دیگن ایدی.
جناب غنینینگ بیلدیریشیچه، کوپ زمانلردن بویان پاکستان تامانیدن بیریلگن وعدهلرعملگه آشیریلیشی اوچون حکومت کوتیب تورگن ایدی، بیراق حاضرگچه هم افغانستانده اویوشتیریلهدیگن حجوملر چیزیق اوتمانیدن عملگه آشیریلهدی و تروریستلر اویهسی پاکستان توپراغیده فعالیت قیلیب کیلماقدهدیگن ایدی. او پاکستاننینگ بو ایشی کورینیب تورگن دشمنلیک دیب عنوان قیلهدی.
شونینگدیک جمهور رییس، بوندن بویان حکومت اهالی اولیشینی چیدهب تورالمیدی و کیلهسی هفته لردن پاکستان تصمیمی، کابل-اسلامآباد کیلهجک رابطهسینی تعیین قیلیشی ممکن دیگن.
عین حالده حکومت اجرایی ریاست باشلیغی عبدالله عبدالله هم برچه تروریستی گروهلر پاکستان تامانیدن جهازلهنیب تمویل بولیشینی اورغولهدی.
اولکه عالملر کینگشی شوپیتده پاکستانگه قرشی جهادنی صادر ایتلهدیلرکه بوندن آلدین پاکستان عالملری افغانستانگه قرشی جهادنی صادر قیلگن ایدی.
بو بیرینچی مرته دیر افغانستان دین عالملری پاکستانگه قرشی شونقه بیر جدیت کورستهدی.
