شمال و شمال شرق ولایتلرینینگ دین عالملری مزار شریف شهریده ییغیلیب عیاللرگه قرشی یوز بیرهدیگن زوروانلیکلرگه حل یول تاپیش مسالهسینی محاکمه قیلیشلری کوتیلهدی. اوشبو دین عالملری اسلامده عیاللرگه قرشی زوروانلیک قوللنیش اورین یوقلیگی بارهسیده تاکیدلب، باشقهلرگه اورنک بولیشی اوچون عیاللرگه قرشی زوروانلیک اینیقسه جنسی تجاوزلر عاملی دارگه تارتیلیشینی ایتگنلر.
اوشبو ییغینده اشتراک قیلگن دین عالملریگه کوره، جامعهده تورلی زوروانلیکلرنی اسلام دینی حکمیگه اساس تطبیق ایتیلیشینی ایتهدیلر، اما بوندهی زوروانلیکلر اسلام دینی قدریتلری بیلن هیچ قندهی علاقهسی یوق.
مملکت شمال و شمال شرقی دین عالملر کینشگینینگ کاتبی مولوی عبدالرووف توانانینگ سوزلریگه کوره، عیاللرنی جنسی تجاوز قیلهدیگن کیشیلر تاش کومدی ایتلیشی درکار، اسلام حکمی اساسی شکلده تطبیق ایتیلگن حالده، کیلهجکده هیچ کیم بوندهی عملنی قیلیشگه جرئت قیلمیدی.
باشقه تاماندن، خاتین قیزلرگه قرشی یوز بیرهدیگن زوروانلیکلر آلدی آلینشی اوچون دین عالملرینینگ اولکن تاثیری بارلیگینی ایتگن انسان حقوق فعالی خانم حمیراگه کوره، زوروانلیک آلدی آلینیشی اوچون دین عالملری نینگ اساسی نقشی بار.
خاتینلرگه قرشی جنسی تجاوز کوزگه کورینرلی درجهده آشگن لیگی خصوصیده خواطر بیلدیرگن سرپل ولایت عیاللر ایشلری بوییچه اداره ریسی نسیمه آرزونینگ بیلدیریشیچه، جنسی تجاوز بوتون افغانستان عیاللری روحیگه سلبی تاثیر قالدیرگن.
بلخ ولایتی حج اوقاف ادارهسی مسجدلر رییسی مولوی حمیدالله عنایتنینگ ایتیشیچه، جماعهدهگی ناتوغری عرف و عادت جملهدن کته مقدارده قلین آلینیشی و اسلام احکامیدن ایزداشلیک قیلمسلیک عیاللرگه قرشی زورانلیک موردلری آشیشیگه سبب بولگن.
سونگی وقتلرده مملکت شمالیده جنسی زورانلیکلر میزانی آشیشی قطار فعاللر همده مدنی ادارهلرنینگ جدی خواطریگه سبب بولیب کیلماقده، فعال عیاللر مذکور زوروانلیکلرگه پایان بیریلمهگن حالده، عیاللرنی اجتماعی حضوری جدی زیان کرویشی ممکن دیگنلر.
