د سولې ولسي حرکت نن د ننګرهار په مرکز جلالاباد کې د طالبانو او حکومت له لوري د پیل شویو عملیاتو پروړاندې لاریون وکړ.
لاریونوالو چې شمېر یې شاوخوا درې سوو کسانو ته رسېده، د حکومت او طالبانو له لوري یو د بل پر ضد د خالد او الفتح په نومونو پیل کړي عملیات وغندل او یاد عملیات یې د ولسي وګړیو لپاره خطرناک وبلل.
دوی د دواړو لوریو د عملیاتو درېدو د غوښتنې ترڅنګ، د سولې پروسې د پیل لپاره پر اوربند ټینګار وکړ.
لاریونوالو عطاالله او معروف وايي، نه د خالد او نه هم د الفتح عملیات منو؛ ځکه په وینا یې، په دواړو کې افغانان وژل کېږي او پهکار ده چې دواړه لوري د عملیاتو پر ځای د سولې خبرو اترو لپاره کار وکړي.
اړوند مطالب:
د پکتیاوال: حکومت او طالبان دې عملیات ودروي
د «الفتح» عملیاتو پر وړاندې د افغانحکومت، امریکا او ناټو غبرګون
طالبانو د «الفتح» په نوم عملیات اعلان کړل
لاریونوالو پر وسلهوالو طالبانو غږ وکړ چې د قطر او مسکو پرځای دې په افغانستان کې له حکومت سره د سولې بینالافغاني خبرې اترې پیل کړي.
دا په داسې حال کې ده چې د نوي کال له پیل سره سم حکومت او طالبانو یو خوا د یو بل پروړاندې د خالد او الفتح په نومونو عملیات پیل کړي او بلهخوا هم له تېرو څو میاشتو راهیسې د افغان سولې لپاره هم هلې ځلې روانې دي.
