د افغانستان کارګرانو ټولنې یا امکا مسوولانو کابل کې د کاګرانو پیوستون نړیواله ورځ ونمانځله. د دې ټولنې مشر معروف قادري وویل، د کار په بازار کې تقاضا زیاته ده، خو کاري زمینې نه شته.
د ښاغلي قادري په وینا، افغان حکومت د کارګرانو لهپاره تر ټولو د لږ مُزد اندازه لاهم ټاکلې نه ده.
د افغانستان د کارګرانو ټولنې مشر همدارنګه وايي، د ځوانانو لهپاره د کاري فرصتونو نشتوالي له امله هغوی د لږو پیسو په بدل کې د ترهګرو لیکو کې جذبېږي.
.jpg)
هغه وايي، دا یوه جدي ستونزه ده او د حکومت له مشرانو غواړو په دې برخه کې پام وکړي.
افغانستان کې د کارګرو نړیواله ورځ داسې مهال نمانځل کېږي چې د هرې ورځې په تېرېدو د وزګارتیا او بېوزلۍ کچه لوړیږي او افغان حکومت د کار زمینې برابرولو او د بېوزلۍ له منځه وړلو کې د پام وړ لاسته راوړنې نه لري.
