نمایندهلر کینگشی اعضالریدن بیرقطاری نینگ ایتیشیچه، حاضرگی قیینچیلیکدن چیقیش اوچون نمایندهلر کینگشی اعضالری ایرته شبهلی بیر آوازگه آواز بیریش مکانیسم توغریسیده قرار قیلگن.
نمایندهلر کینگشی ریاستی خصوصیده بولگن قیینچیلیک کمیده ایکی آیدن بویان حل بولمهگن و بو قیینچیلیک ایتیلیشی خصوصیده حاضرگچه بیر ییچیم یول تاپیلمهگن.
بوگون نمایندهلر کینگشی اعضالریدن بیرقطاری نینگ ایتیشیچه، عمومی ییغینده ایرته جنجللی آواز خصوصیده آواز بیریش مکانیسم توغریسیده کیلیشیلگن.
اولرگه کوره، رحمانی تیمی جنجللی بولگن بیر آوازگه آچیق شکلده آواز بیریلیشینی ایستهیدی، بیراق اصولی نینگ تیمی آواز بیریش سرلی بولیشی اوستیگه تأکیدقیلهدی.
بیراق، میررحمان رحمانی گه یقین نمایندهلردن بیرقطاری نینگ ایتیشیچه، جناب رحمانی نمایندهلر کینگشی نینگ باشلیغی دیر و نمایندهلر کینگشی اعضالری تامانیدن بو توغریده بولهدیگن باشقه هر بیر حرکت قانون و نمایندهلر کینگشی نینگ ایچکی قاعدهلریگه قرشی سنلهدی.
نمایندهلر کینگشی اعضالری آرهسیده بولگن قرهمه قرشیلیکلر نمایندهلر کینگشی باشلیغی تنلهنیشی خصوصیده ایکینچی دور سیلاو یولگه قوییلیب و نمایندهلر کینگشی نینگ وقتینچهلیک باشلیغی تامانیدن جناب رحمانی باشلیغ صفتیده اعلان ایتیلگنیدن کیین باشلندی و حاضرگچه حل ایتیلمهگن.
