هند بیرینچی وزیرینینگ ایتیشیچه، افغانستان و هند رابطهلری گینه حکومتلر ارا ایمس. بلکیم، ایکی اولکه یشاوچیلرینینگ یوره گیدهکی اورتاقلیکلر دیر. او افغانستان جمهور رییسی بیلن اوچرهشگنده، افغانستاننی هر حالده بولسه یلغوز قویمیمیز دیب وعده بیرگن.
هند اولکهسینینگ بیرینچی وزیری نرندرا مودی، افغانستان جمهور رییسی محمد اشرفغنی بیلن اوچرهشگنیده، منطقه و دنیا بویلب مهم مسالهلر اوچون اولکهسی افغانستان بیلن بیرگه لیگینی اورغولهگن.
دیمک؛ جناب مودی افغانستان بیلن هند اولکهسینینگ یاردملیکلری گینه اوزگریش دههسیده ایمس ایدی. بلکیم، کیلهجکده هم دوام تاپیشینی معلوم قیلگن.
هند بیرینچی وزیرینینگ ایتیشیچه، اولکهسی امنیتی یاردملیکلر یانیده افغانستان اقتصادی بولیمیگه هم کوزگه کورینرلی ایشلربجریشی ممکن.
مذکور اوچره شووده جمهور رییس غنی اولکه امنیتی وضعیتینی حکایه قیلدی و افغانستان یمان امنیتی قیینچیلیکلربیلن روپهره بولگنلیگینی بیلدیردی. او بوییلنی افغان یشاوچیلری و امنیتی کوچلری اوچون یمان ییل بولیشینی کوزهتدی.
جمهور رییس بوییلده تینچلیک دشمنلری باشقه هر بیرچاغدن کوره، بوییل افغانستانده کوپراق تمرکز قیلگنلیگی تیلگه آلدی.
ایتیلیشیچه، بوسفرده یاردملیک کیلیشیکلرگه قول قویلیشی کوتیلهدی و اورته آسیا ترانزیتی یولی هند، ایران و افغانستان ایچیدن اوتیلیشی اوچون سوزله شیلهدی.
جمهور رییس غنی مذکور سفرده نرندرا مودینی افغانستانگه سفر قیلیش اوچون چقیردی.
گزارشلرده کیلیشیچه، ایکی اولکه حربی قوراللر مدرن بولیشی اوچون هم سوزلهشیشلری کوتیلهدی.
بوسفرده جمهور رییس غنی طالبلر بیلن تینچلیک سوزلهشیشلر قنقهلیگی و هند افغان حربیلری اوچون تحصیل زمینهسی یرهتیلیش توغری سیده هم سوز اوتکزیلدی.
ایکی اولکه سوداگرلیک یوتوقلر، افغانستان حاضرگی نیازمندلیکلری و ینگه کیلیشیکلر اوچون بحث قیلیشلری کوتیلهدی.
بوسفرده هند حکومتی افغانستانگه ایکینچیلیک، اجتماع، بشری کوچلر کمیت و ظرفیتنی یوقاری ایلتیش بولیمیده یاردملیک قیلیش وعده سینی بیرگن.
جمهور رییس غنینینگ بو بیرینچی مرته هند باریشی ایدی و ایتیلیشیچه، مذکور سفر ایزیدن کوپلب یوتوقلر کوزه تیلهدی.
