بوگون نمایندهلر مجلسی حکومت تامانیدن معرفی بولگن 16 نامزد وزیرگه ایجابی رای بیردیلر. شو بیلن بیرگه ملی بیرلیک حکومت کابینه سی 7 آییدن کیین دفاع وزیرلیکدن تشقری تکمیل بولدی.
نمایندهلر مجلسینینگ بوگونکی اولتیریشیده دولت تامانیدن پیشنهاد بولگن 16 نامزد وزیرگه ایشانچ آواز بیریش اوچون صندوق قویلگن ایدی.
بیرینچیدن سوو و برق نامزد وزیری علیاحمد عثمانی نینگ قولگه کیریتگن ایجابی رایی، مجلس اداری هئیتی تامانیدن سناقگه آلینیب، نیتجه ده –او، 168 ایجابی رای آلیشی بیلن مذکور پستنی ایگلهدی.
شونینگدیک معارف وزیرلیگینینگ نامزدی اسدالله حنفی 161 ایجابی آواز آلیشگه موفق بولدی، عالی تحصیلات وزیرلیگینینگ نامزدی فریده مومند 184 ایشانچ آوزاینی قولگه کیلتیردی، ایکینچیلیک و چارواچیلیک نامزدی اسدالله ضمیر ایسه 192 رای آلیشی بیلن مذکور وزیرلیکنی قولگه آلیشگه قازاندی.
کورینیشیچه، سوداگرلیک و صنعتلر وزیرلیگینینگ نامزدی همایون رسا170 رای آلدی و عبدالباری جهانی هم اخبارات و مدنیت وزیرلیگینینگ نامزدی بولیب شوبوگون اوز برنامه لرینی ارایه قیلیشی بیلن 120 ایجابی آواز آلیشدی وکینگش اعضالری آلدیدن اوتدی.
شونینگدیک شهر ومسکن توزهتووچی وزیرلیک نامزدی سیدسادات منصور نادری ایسه 202 رای آلیشگه اولگوردی، ایش و اجتماع وزیرلیگینینگ نامزدی نسرین اوریاخیل هم 169 ایجابی آواز آلدی. عیاللر وزیرلیگینینگ نامزدی دلبر نظری131 ایجابی رای و مذکور پستنی اوزیگه خاصله دی.
محمود بلیغ 168 ایجابی آواز آلیشی بیلن عامه فواید وزیری حیثیده و سلامت عظیمی 155 ایجابی رای آلیشی بیلن مخدر مادهلر قرشی سیده کورهشیش وزیری صفتیده تنلندیلر.
دیمک، محمدالله بتاش176 ایجابی آواز آلیشدی و عبدالبصیر انور هم 176 ایجابی آواز قولگه کیلتیردی، محمد گلاب منگل ایسه 188 آواز آلیشگه موفق بولدی، عبدالرزاق واحدی 152 ایشانچ آوازی و عبدالستار مراد 152 رای آلیشلری بیلن قیله آلدیلر ترانسپورت، عدلیه، قوملر و قبیلهلر، مخابرات و تکنالوژی و اقتصاد وزیرلیگینینگ حیثیده تنلنیشگه موفق بولدیلر.
ملی بیرلیک حکومتینینگ یوزهگه کیلیشی بیلن اولکهده ایشسیزلیک، قشاقلیک، ناتینچلیک و ایریم گروهلر ناقانونی ایش قیلیشگه اولگوریب، کون سایین موفق بولیب بارماقدهلر.
آدماوغیرلش، باش کیسیش، قانلی خودکش هجوملر، بیراق اولکه ایریم اوزاغ منطقهلری دولت قولیدن چیقیب مخالف گروهلر حاکمیتی تأثیریگه قالیش، ملی بیرلیگ حکومتینینگ اوتیمش 7 آییده قولگه کیلتیرگن یوتوقلریدن دیر.
حاضرگه قدر امنیتی مهم پُستلر سرپرستلر تامانیدن اداره بولیشی هرکون دولت قورالی قرشیلریگه کوپراق قوت بغشلردی.
ایندی کابینه 95 فایزی تکمیل بولیشی بیلن تینچ اهالی اوچون قنقه اوزگریش کیلهدی؟ کون اوتیشی بیلن بو سوراق جوابی قولگه کیلیشی ممکن.
