عیاللر وزیرلیگی رسمیلری، رهبرلیک بولیملریده عیاللر حضوری کملیگی و شونینگدیک حکومت ادارهلریده قرار قیلیشلرگه سهم بیریلمهگنی توغریسیده خواطر بیلدیرهدی.
عیاللر وزیری دلبر نظرینینگ، یکشنبه کون «افغانستان عیاللر ملی ایش لایحهلرنی کینگیتیریش اوچون خصوصی ادارهلر و وزیرلیکلر» ناملی اولتیریشده ایتیشیچه، وزیرلیکلرده رهبرلیک چوکیلریده عیاللر حضوری آز کورینهدی.
اونینگ ایتیشیچه، مخابرات وزیرلیگی رهبرلیگیده هیچ بیر عیال یوق دیر و عامه منفعتلر وزیرلیگی رهبرلیگیده 115 ایرکک اورتهسیده، یالغیز 4 عیال بار.
خانم نظری، کیلهجک 5 ییلده عیاللر حضوری کوپهییشی و شونینگدیک رهبرلیک و قرار قیلیش لرگه کوپینچه سهم آلیشلرینی تیلگه آلدی.
عیاللر وزیرینینگ ایتیشیچه، بو هدفنی عملگه آشیریش اوچون، عیاللر وزیرلیگی، رهبرلیک بوییچه اوشبو قشر ظرفیتی کوپهییشی و قرار قیلیشلرگه اولرنینگ سهمیهسی آشیشی توغریسیده، وزیرلیکلر اورتهسیده «عیاللر ملی ایشلایحه» ناملی بیر کیلیشوونی یولگه قویهدی.
اونینگ اورغولشیچه، برچه ادارهلر بو کیلیشوو عملگه آشیریلیشی توغریسیده سعی و حرکت قیلیشی لازم.
خانم نظریگه کوره، حاضرگچه وزیرلیکلر و خصوصی ادارهلر یالغیز کینگیتیریش لایحهلرنی عملگه آشیرگن و حاضرگه قدر تبعیضنی اورتهدن کوتریش و کلیدی بولیملرده عیاللرنی جایلشتیریشگه موفق بولمهگن.
عین حالده، مذکور وزیرلیک مصلحتچیلریدن بیری میر شریف الدین انصارینینگ ایتیشیچه، سونگی نیچه ییلده امنیت، ساغلیک، اورگهتیش و تربیهلش، اقتصاد و باشقه بولیملرگه عیاللر حضوری بیردیک بولمهی کیلگن.
اونگه کوره، 1392- ییل مدافعه وزیرلیگیده 1800 عیال بار ایکن، بیراق بو رقم 1393- ییل 1069 گه کمهیگن.
بیراق جناب انصاریگه کوره، 1392- ییل ایچکی ایشلر وزیرلیگیده عیاللر حضوری 2200 گه ییتیشردی و بو رقم جاری ییلده 2395 گه کوپیگن.
عین حالده، جناب انصارینینگ ایتیشیچه، عیاللر اوچون بولگن ملی لایحه عملگه آشیریلگن صورتده، کیلهجک 10 ییلده امنیتی بولیملرگه عیاللر حضوری 20 فایز کوپهییشی ممکن.
شونینگدیک، مذکور وزیرلیک رسمیلرینینگ ایتیشیچه، اولر عیاللر ظرفیتی کوچلنیشی و قرار قیلیشلرگه اولرنینگ سهم آلیشلری خصوصیده، ایریم برنامهلرنی قولگه آلگنلر.
