مملکت جمهور رییسی محمد اشرف غنینینگ ایتیشیچه، کیلهسی تورت ییلده افغانستاننی 120 مینگ هکتار ییریگه سوو ییتکیزیلیشی ممکن.
جناب غنی قیشلاقلرنی رواجلنتیریش بیشینچی ملی اولتیریشیده سوزگه چیقیب، افغانستان سوولری باشقریلیشی خصوصیده تأکیدلب ایتیشیچه، اوتکن 14 ییلده کوپلب سرمایه یاتقزیلگن، بیراق سوو ییتکزیلیب و ایکینچیلیک بولهدیگن ییرلر، ایکین سیز قالگن.
جناب غنیگه کوره، افغانستان کانلری، ییرلری و سوولریدن یخشی صورتده ایش آلینمهگن و انه شو سبب، مملکت خلقی حاضرگچه قشاقلیککه حیات کیچیرهدی.
شونینگدیک جمهور رییس، سوو و ییرلر غصبگه آلینیش موضوعسینی جدی قیینچیلیک بیلیب و قیشلاقلر رواجلنتیریش وزیرلیگیدن بو موضوعنی تیکشیریب آچیقلشینی سورهدی.
جناب غنینینگ ایتیشیچه، ملی بیرلیک حکومت، ملی بیرلیک لایحهلرنی «یشاوچیلیک کیلیشووگه» اوزگرتیریش خصوصیده قرار قیلگن و بونگه اساس، ملی بیرلیک لایحهلر یخشی صورتده دوام ایتهدی. غنینینگ کوپهیتیریشیچه، کیلهسی تورت ییلده افغانستان برچه قیشلاقلریده بیردملیک خذمتلری ارایه ایتیلهدی.
مملکت ایکینچیلیک و چارواچیلیک وزیری اسدالله ضمیرنینگ ایتیشیچه، ایکینچیلیک رواجلنیشی خصوصیده خاص لایحهلرنی قولگه آلگن. اوشبو لایحه اساسیده، قیشلاقلر کینگشی تامانیدن برچه ایکینچیلرگه ایکینچیلیک انشاعاتلری ترقهتیلهدی.
شونینگدیک اجراییه باشلیغی عبدالله عبدالله، حکومت ریجهلری عملگه آشیریلیشی خصوصیده خلق حمایتی لازم دیب و خلقدن امنیت تأمینلنیشی اوچون امنیتی کوچلرگه یاردم بیریشلرینی سورهدی.
باشقه تاماندن، محلی ارگانلر ادارهسی باشلیغی جیلانی پوپل، حکومت رهبرلریدن محلی حکومتدارلیکنی بیرینچی لایحهلریده قرار بیریشلرینی سورهدی. پوپلگه کوره، حاضر افغانستان بویلب 35 مینگ قیشلاقلرنی رواجلنتیریش کینگشی فعالیت قیلهدی.
افغانستان ایکینزار مملکت؛ بیراق حاضر ییرلریدن کوپینچه قسمی سوو باشقریلمسلیگی باعث، ایکینسیز قالگن و اوشبو مملکتنی کوپینچه آذیق و آوقت مادهسی باشقه مملکتلردن تأمینلنهدی.
