نمایندهلر کینگشی اعضالریدن بیرقطاری، ملی کینگش بناسیگه هجوم قیلیش عیبی بیلن قولگه آلینگن بیش شبههلی کیشی قوییب یوباریلگنیدن جدی تنقید قیلیب ایتیشیچه، بو توغریده ملی خوفسیزلیک عمومی باشلیغی مجلسگه جواب بیریشی کیرهک.
نمایندهلر کینگشی اعضاسی حبیب افغاننینگ ایتیشیچه، مذکور کیشیلرنی قوییب یوباریش دلیلی حاضرگچه معلوم بولمهگن.
اونگه کوره، ملی خوفسیزلیک باشلیغی، مذکور 5 کیشی قوییب یوباریلگنی توغریسیده مجلس و اهالیگه تفصیلات بیرسین.
شونینگدیک، نمایندهلر کینگشی باشلیغی عبدالرووف ابراهیمینینگ ایتیشیچه، نمایندهلر کینگشی ایچکی امنیت کمیسیونی، سنامجلسی هیأتی و ملی خوفسیزلیک عمومی باشلیغی بو توغریده بحث اوتکزیب نمایندهلر کینگشی و اهالینی خواطردن چیقاریشی کیرهک.
.jpg)
نمایندهلر کینگشی اعضاسی حضرت علینینگ ایتیشیچه، مذکور 5 شبههلی آدم اوزلرینی اونینگ ابهسینی اوغیللری تانیشتیریب ملی کینگش بناسیگه کیریش نیتده بولگنلر؛ او، اوشه پیت مملکتدن تشقریده ایکن و بو جریاندن خبر بولیب مجلس امنیتی رسمیلریدن مذکور کیشیلرنی قولگه آلیشلرینی سورهگن.
حضرت علیگه کوره، مذکور کیشیلر قولگه آلینگنیدن بیش کون اوتگنیدن کیین، سنامجلسی باشلیغی فضلالهادی مسلمیار، اولرنی قوییب یوباریش اوچون سعی و حرکت قیلیشیدن اونگه خبر بیریلگن.
جناب علینینگ ایتیشیچه، سنامجلسی باشلیغی بیلن علاقه قورگن، لیکن او بو موضوع نی رد قیلگن.
اونینگ آگاهلنتیریشیچه، ترورچیلر ینه ملی کینگش بناسیگه کیریشنی ایستهگن صورتده، آلدی آلینمهیدی.
سنامجلسی باشلیغی فضلالهادی مسلمیار، اوتگن کون اوزیگه قرشی بولگن برچه ادعالرنی رد قیلدی.
