د ناټو عمومي منشي ینس سټولټنبرګ د افغان سولې لپاره د امریکا د بهرنیو چارو وزارت له ځانګړي استازي زلمي خلیلزاد سره د لیدنې پر مهال ویلي چې افغانستان د ناټو او د دغه تړون د غړیو هېوادونو لپاره تر ټولو ستر لومړیتوب دی.
نوموړي د افغان سولې په برخه کې د خلیلزاد د هڅو د ستایلو ترڅنګ ویلي چې نوموړي له طالبانو سره د سولې خبرو اترو ښه تګلاره جوړه کړې ده.
ینس سټولټنبرګ ټینګار کړی چې ناټو به هېڅکله هم اجازه ور نهکړي چې افغانستان یو ځل بیا د ترهګرو پر ځاله بدل شي.
نوموړي د افغان سولې روانه پروسه بریالۍ بللې او ویلي یې دي چې، «که دد سولې پروسه بریالۍ وي، دا د افغانستان او امریکا د دوستانو په ګټه ده.»
د ناټو د عمومي منشي په وینا، «د افغان سولې پروسه ځکه بریالۍ ده چې په اړه یې یو فکر شته او د یوې ګډې موخې لپاره کار کېږي.»
ینس سټولټنبرګ پر افغان سولې پروسې د ټینګار ترڅنګ، د افغان ځواکونو د ملاتړ، تجهیز او زدهکړو په اړه ډاډ ورکړی دی.
