سلام‌وطندارگه صحبت بیرگن ننگرهار معارف ریاستی سوزلاوچیسی آصف شینواری‌نینگ ایتیشیچه، ناتانیش قورالی شخص‌لر اوتگن کیچه مومنددره تومنی‌نینگ اورته مکتبی‌نی اوتگه تارتگن و نتیجه‌ده مذکور مکتب‌نینگ حجت‌لری و تیکشیروو اتاقی اوتگن یانگن.
مومنددره تومنی یشاوچی‌لریدن بیرقطاری حکومت‌دن تنقید قیلیب ایتیشیچه، اورگه‌تیش مرکزلرنینگ خوفسیزلیگی تأمین‌لنیشی خصوصیده، حکومت‌نی کوچسیزلیک‌که عیب‌لیدیلر.
سلام‌وطندارگه صحبت بیرگن معارف وزیرلیگی‌نینگ نشرات بولیمی باشلیغی کبیرحقمل، ننگرهار امنیتی اداره‌لریدن مکتب‌لر ناتانیش قوراللی کیشی‌لر تامانیدن یاندیریلیشی‌گه توسیق بولیش‌لرینی سوره‌یدی.
ننگرهار پولیس قومندانلیگی سوزلاوچیسی حضرت‌حسین مشرقی‌وال‌نینگ سلام‌وطندارگه ایتیشیچه، مذکور حادثه گه قولی بولگن کیشی‌لر قولگه آلینیشی و مکتب‌لرنینگ خوفسیزلیگی تأمین‌لنیشی توغریسیده سعی و حرکت قیلینیشی کیره‌ک.
اوتگن ایکی آی جریانیده ننگرهار ولایتیده 3 مکتب ناتانیش قوراللی کیشی‌لر تامانیدن اوتگه یاندیریلگن.
ننگرهار ولایتی‌نینگ رسمی‌لری، بیر خبرنامه ترقه‌تیب مذکور مکتب طالب‌لر تامانیدن اوتگه تارتیلگنینی بیلدیرگن؛ بیراق طالبان گروهی سوزلاوچیسی ذبیح‌الله مجاهد، بو ادعانی رد قیله‌دی.
