بوندن آلدین اون ایکینچی صنفنی بیتیرگنلر بیر ایکی آی ایچیده کانکور سیناوینی هم تاپشیرردیلر. بیراق حاضر سیناوپیتی اوزگرگنی اوچون خواطرگه توشگنلر سانی از ایمس.
بیرقطار اوقووچیلرنینگ سلاموطندارگه ایتیشیچه، بیلیم یورتلرگه کیریش اوچون کانکورنینگ اولراوچون اهمیتی جوده کوپ و بونینگ پیتی اوزگریشی ارهگه انتظامسیزلیک کلیشیگه سبب بولهدی.
اون ایکینچی صنفنی بیتیرگن اوقووچیلردن خالده شاداب حاضر کانکورگه تیارگرلیک آلماقده، او آسانلیک کیلتیریش اوچون بولگن هرقندهی اوزگریش گوزهل اما وقتنی هم نظرده توتیش لازم دیدی. اونگه کوره، بیرییل اوتیشی بیلن اولر کانکور سناووگه یازباشلهنیشینی کوتیب توریشلری ضرور.
اوقووچیلردن ینهبیری فاضل واحدی، سناووپیتی اوزگریشی نه یلغوز نتیجه سیز قالگنلر وقتینی آلهدی بلکه کامیاب بولگنلرنینگ هم وقتی ضایع بولیشیگه سبب بولیشینی اورغولیدی.
بیراق یوکسک اورگهنیش وزیرلیگینینگ ملازملری سلاموطنداربیلن بولگن صحبتلریده اولر وزیرلیکدهگی قینچیلیکلر همده اوقووچلر قینچیلیگی حلی اوچون بو اوزگریشنی کیلتیرگنلیکلرینی ایتماقدهلر.
یوکسک اورگهنیش وزیرلیگینینگ سوزچیسی عارفه پیکار، 1396ییل سناووی حوت آیی باشلهنیب کیلهسی ییلنینگ جوزا آییگه یکونلهنیشینی معلوم قیلهدی.
کانکور سناووی مملکت بویلب جنجللرگه سبب بولهیاتگن سناوولردن دیر. اوقووچیلربو سناوو بیلگیلنگن پیتی بولیشینی آرزو قیلهدیلر.
