نمایندهلر مجلسی نینگ ییللیک گزارشیده پارلمان اوتگن بیر ییلده 3 قانون لایحهسی، 4 تقنینی فرمان و نمایندهلرنینگ تکلیف قیلگن 3 لایحهسی تصدیق ایتیلگن لیگی بیلدیریلگن.
نمایندهلر مجلسی نینگ کاتبی عبدالرووف انعامی بوگون (چهارشنبه) نمایندهلر مجلسی نینگ اون آلتینچی دور ییللیک گزارشینی تقدیم قیلیش ییغینیده، پارلمان ایش دوریده 54 ییغین اوتکزگنیگه اشاره قیلگن.
بیش ییغین وزیرلرنی استیضاح قیلیش، 9 ییغین جوابگرلیککه تارتیش و 8 ییغین ایسه تینگلش جلسهسیدن عبارت دیگن انعامی.
جناب انعامی، مجلس نینگ عمومی اولتیریشلریده تورلی موضوعلردن عبارت کمیده بیر مینگ مساله اوستیده بحث بولگن لیگی بارهسیده تاکید قیلگن. بوندن تشقری پارلمان نینگ 18 کمیسیونی 427 ایری ییغین اوتکزیشگن.
عین حالده، جاری ییلده مملکت یشاووچیلری نینگ 1497 شکایتلریگه هم ییتیشیگن دیدی مجلس کاتبی. بوندن علاوه آلتی وزیر استیضاح، حکومت نینگ بلند مرتبهلی رسمیلری قوشیمه 28 وزیری پارلمانگه چقیریلیب جوابگرلیککه تارتیلگنی هم مجلس کاتبی تامانیدن تیلگه آلینگن.
شونینگدیک نمایندهلر مجلسی نینگ اورین باسری وزیرلردن 7 تهسی ییل نینگ بودجهسینی دییرلی صرفله آلمهگنی اوچون صلاحیتی آلینگن لیگیگه اشاره قیلگن.
اساسی قانونگه موافق، نمایندهلر مجلسی نینگ اعضالری یازگی و قیشگی دَم آلیش جریانیده ولایتلریدهگی ترقیات لایحهلرنی یقیندن کوزهتیشگه مجبورلر.
