زمانهوی طمعنینگ ینگی- ینگی باسقیچلریگه قدم قویگنی سری توییب اوخلهمهیدیگن کیشیلر سانی آشیب بارماقده. بونگه اویقونی بیهوده وقت اوتکزیش، دېب حسابلاوچیلر کوپهیگنی هم سبب بولماقده — دیدی اکادمیک یهکاو لیوین. — اصلیده بو ناتوغری توشونچه. طعاملنیش، معامله، حتی که ایچکیلیک ایچیش مدنیتی هم بار اېکن، دېمککی، اویقو مدنیتی هم بولیشی ضرور. عکس حالده سلامتلیککه زیان یېتهدی
اویقو مدنیتی هلی او قدر شکللنمهگن. کوپچیلیک معین وقتده یاتیب، معین وقتده اویغانیشنی، اویقودن آلدین سَیر قیلیش، تنده سوکینمسلیک، یاتیشدن آلدین توییب طعاملنمسلیک و کوپ ایچیب قویمسلیکنی اویقو مدنیتی، دېب توشونهدی. بیراق جوده کمچینیکی بونگه تن بیرهدی. سونگ ایسه: «کوپ ایشلهیمن، حرکتچنمن، لیکن نیگهدیر اویقوم نینگ مزهسی یۉق»، دییه تعجبلنیشهدی.
تنده ایشلش نینگ ضرری کوپ. بیراق حیات نینگ هم اوز طلبی بار. شو باعث، اویقو وقتینی ایش اوچون صرفلش حاللری یوز بیریشی طبيعي. امریکهلیک متخصصلر حساب – کتابیگه کوره، حاضرگی زمان آدملری هفتهسیگه اوچ ساعت کم اوخلهیدیگن بولیشگن.
بو نینگ بیرار- بیر یخشی جهتی یوق. نیگهکه، ژنیتیک جهتدن شکللنگن میکانیزمگه کوره، آدم نینگ قویاش باتگندن سونگ اویقوگه کیتیب، تانگده اویغآنیشی طبيعي حال. ایلېکتر نینگ کشف ایتیلیشی مذکور خرانابیالاگیک موازنتنی اوزگرتیریب یوبارهدی.
حالبوکه، انسان اعضای بدنی اوچون ضرور هارمونلر نینگ اکثریتی اویقو پیتیده حاصل بولهدی. توییب اوخلهمسلیک سیمیریشگه، عیاللرده هَیز تیزیمی و باشقه جریانلر بوزیلیشیگه آلیب کېلهدی.
بوندن تشقری، اوخلهگنده بیز اویغاق پیتیمیزده صرف اېتگن کوچ – قوتنی تیکلهیمیز، ایچکی اعضالریمیز اوز حالتیدن باش مییهگه خبر بیرهدی. اگر آدم متصل (بیر آیدن کوپراق) توییب اوخلالمسه، بو اونینگ اینتیللیکتول امکانیتلری کمهییشی، خاطرهسی ضعیفلشیشی و باشقه معمالر توغیلیشیگه آلیب کیلهدی.
گیننیس نینگ رېکوردلر کتابیده اینگ اوزاق اوخلهمهگن، یعنی 264 ساعت (11 کېچه – کوندوز) دوامیده اویغاق حالتده بولگن آدم قید ایتیلگن. شو نرسه هم عیانکی، آدم فقط بیش کونگچه اوخلهمهی یوریشی ممکن. نیگهکه، بیولوژیک جهتدن همه نرسهدن اویقو نینگ احتیاجی قتّيق: آدم سووسیز اون کونگه، طعامسیز اېسه بیر آیگچه هم چیدهشی ممکن. بیراق اویقوسیز…
طبیات نقطهی نظریدن آدمگه بیر کونده 5،5-6 ساعتلی اویقو یېترلی بولیشی ممکن. بوندن آرتیغی ایسه، هر بیر آدم نینگ ایندیویدوهل خصوصیتلریگه کوره بیلگیلنهدی.
بونی انیقلش اوچون تعطیل پیتی هر کونی بیر وقتده یاتیب، ایستهگنچه اوخلنگ. بیر نیچه کوندهن سونگ، اویقوگه تویگچ، ایتهیلیک، اېرتهلب ساعت اون بیرده ایمس، ساعت ییتّیده اویغآنهدیگن بولهسیز. منه شو وقت اویقونگیز اوچون اینگ کیرهکلی مدت حسابلنهدی. بوندن کمی — کم، آرتیغی — آرتیق!
تدقیقاتچیلر نینگ فکریچه، اگر آدم ییل دوامیده هفتهسیگه حتی بیر آقشام اویقودن قالیب ایشلهسه هم بو اونینگ سلامتلیگیگه تأثیر کورسهتمهی قالمس اېکن. یعنی بو حالده کیشی نینگ خفقان، معده یرهسی، قندلی دیابیت کسللیکلریگه باشقهلرگه قرهگنده بېش مرته کۉپراق چهلینیش احتمالی بار. شو باعث بیر آقشام اویقودن قالگن کیشیگه ایکّی کیچه توییب اوخلش توصیه ایتیلهدی.
ایریملر اویقوسی بوزیلگنیگه کوپهم تشویشلنمهیدی. بوگون بولمهسه ایرتهگه اوخلب آلرمن، دیب بو حالتگه بې اعتبار قرهشهدی. اصلیده ایسه، بو اورگانیزمده کیچهیاتگن جریانلر معیاریده ایمسلیگیگه نازوک بیر اشاره. ایکّینچی خطا ایسه الکهگوللی ایچیملیکدن اوخلهتووچی واسطه صفتیده فایدهلنیشده نمایان بولهدی.
توغری، بوندهی ایچیملیک نینگ تاثیری بار، بیراق هیچ کیم بو نینگ اوچون ضرور بولگن اوتّیز گرام نینگ اوزی بیلن کفایهلنمهیدی – ده… اوچینچی خطالیک ایسه، اوخلهتووچی دارو- درمانلرگه روج قوییشدیر. حاضر بوندهی واسطهلر نینگ اورگانیزمگه زیانی کمراق بولگن ینگی تورلری چیققن. اولردن تنلب فایدهلنسه بولهدی.
