د ملي امنیت ریاست یوه اعلامیه کې ویلي، د کابل ښار یولسمې ناحیې او شکردرې ولسوالۍ کې یې تېره شپه د داعش او د حقاني شبکې ګډه کړۍ له منځه وړې ده.
اعلامیه کې ویل شوي چې دغه ترهرګريزه ډله کابل کې د ښاري همغږي کوونکي او د داعش د کتیبیې مسوول ثناالله په مشرۍ مدیریت کېده چې ارګ کې یې د تحلیف پر مراسمو راکېټي برید، د سیکانو پر درمسال ځانمرګی برید، د شهید مزاري پر نمانځغونډې وسلهوال بريد او پر بګرام دوه راکېټي بریدونه کړي وو او همداراز یې کابل ښار کې هدفي وژنې هم ترسره کولې.
د ملي امنیت ریاست زیاتوي چې دغو عملیاتو کې ۵ ترهګر وژل شوي او ۸ نور ژوندي نیول شوي.
همداراز افغان ځواکونو ګڼ شمېر وسلې، مهمات او ۲۵۰ کیلوګرامه چاودېدونکي توکي هم نیولي دي.
