فساد و ایش‌سیزلیک، معارف وزیرلیگی اوچون اختصاص‌لشتیریلگن 134 میلیون دالر مصرف بولیشنی آلدینی آلگن. مملکت معارف وزیری اسدالله حنیف بلخی، چهارشنبه کونی هرات ولایتی محل رسمی‌لری و اوقیتووچی‌لر حضوریده سوزگه چیقیب ایتیشیچه، معارف وزیرلیگی‌نینگ اوچ آی‌لیک تیکشیروی‌گه کوره، مذکور وزیرلیک‌ده ایش‌سیزلیک، قابلیت یوق‌لیگی و اداری فساد باعث، دنیا جماعه‌چیلیگی تامانیدن بیریلگن یاردم‌دن 134 میلیون دالری صرفلنمه‌گن.
جناب بلخی‌نینگ ایتیشیچه، مذکور پول جاری ییل سپتامبر آیی‌گچه صرفله‌نیشی کوتیلردی. بیراق او، مالیه وزیرلیگی‌دن کیله‌سی ییل سپتامبر آیی‌گچه مهلت بیریشینی سوره‌ب و یاردم بیریلگن پول معارف وزیرلیگی قابلیتی‌نی کوتاریش، مکتب‌لرنی جهازلش و قیته قوریش بولیم‌لریگه صرفله‌نیشی‌نی ایتگن.
مملکت معارف وزیری‌نینگ کوپیتریشیچه، دنیاجماعه‌چیلیگی تامانیدن معارف وزیرلیگی‌گه باشقه کوپینچه یاردم تاپشیریلگن و بو وزیرلیک اوشبو یاردم‌لرنی مناسب بولیم‌لرگه خرچ قیله‌دی. بو پول‌دن 192 میلیون افغانی اضافی ایش و 800 میلیون افغانی منطقه‌یی اوقیتووچی‌لر امتیازلری اوچون کوزگه توتیلگن، بو پول مالی ییل ایکینچی یریم بودجه‌سیده، مالیه وزیرلیگی تامانیدن معارف وزیرلیگی‌گه تاپشیریله‌دی.
ایکی باسقیچ قیسقه مدت و اوزاق مدت‌ده اوقیتووچی‌لر اوچون ییر ترقه‌تیلیشی باشقه موضوع‌لردن ایکنی ایتیله‌دی. جناب بلخی‌نینگ بو توغریده ایتیشیچه، وزیرلر کینگشی قراری‌گه اساس، قیسقه مدتلی لایحه‌ده، اوقیتووچی‌لر شهرچه‌لریده ییر ترقه‌تیله‌دی و اوزاق مدتلی لایحه‌ده، شهر قوریش وزیرلیگی همکارلیگی‌ده قشاق اوقیتووچی‌لر اوچون یشش بنا قوریله‌دی.
معارف وزیرلیگی اوز سوزی جریانیده، هرات ولایتی شیندند تومنی بیرقطار اوقیتووچی‌لری ناراضیلیک نمایش یولگه قوییب، سونگی سکیز آی‌ده آیکلیکلری بیریلمه‌گن لیگینی ادعا قیلگن‌لیکلرینی ایتگن. اوشبو اوقیتووچی‌لرنینگ ایتیشیچه، آی‌لیک‌لری توللنمه‌گن صورتده، مکتب ایشیگینی اوقووچی‌لر یوزیگه یاپه دیلر.
بیراق معارف وزیری، بولرنینگ آیلیگی تیزلیکده توله‌نیلیشی‌دن سوزبیرگن.
شونینگ‌دیک بوندن آلدین، اصل‌ده موجود بولمه‌گن اوقیتووچی‌لر و خیالی مکتب‌لر اوچون میلیون‌لرچه دالر حیف و میل بولگنی توغری‌سیده گزارش ترقه‌تیلگن ایدی.
