افغانستان تکنالوژی و مخابرات وزیری عبدالرزاق وحیدی، اوتگن بیر هفته‌ده مخابراتی ترماق‌لر مشتریلریدن آلینگن مالیه‌دن 80 میلون افغانی حکومت خزانه سی‌گه اوتگن دیگن.
بوگون (شنبه) کابل‌ده بیر خبری انجمن‌ده صحبت قیلگن جناب وحیدی، فقط بیر میلیون افغانی عرفه کونی مخابراتی خذمت‌لردن محصول ییغیلگن لیگینی ایتگن. اونینگ سوزلریگه کوره، مخابراتی ترماقلرلر آرقه‌لی مشتریلردن آلینه دیگن بیر افغانی هم قونت بیلن حسابله‌نیب دولت خزینه سی‌گه انتقال بیریله‌دی.
مخابرات وزیری جناب وحیدی، مخابراتی خذمت‌لردن آلینگن محصول نینگ 76% ایلیک روپیه لیک کریدیت کارت‌لردن فایده‌لنه دیگن‌لردن قول‌گه کیلگن‌لیگینی اظهار قیلگن.
مخابرات ینگی قانونی‌گه کوره، مخابرات شرکت‌لرنینگ بونون مشتریلری‌نینگ صرفلیدیگن کارتلریدن 10% افغانستان حکومتی حسابی‌گه اوته‌دی.
جناب وحیدنینگ تاکیدلب ایتیشیچه، مذکور وزیرلیک‌نینگ اختیاریده بولگن زمان سنج سیسم مخابراتی شرکت‌لر مشتریلری سانی و بازار فعالیت‌لری اوزگریش لایحه‌سینی انیق و به تفصیل تکیریش‌گه قادر.
مالیه وزیرلیگی نینگ دارایی پالیسی اورین بارسری شفیق احمد قاریزاده‌نینگ مذکور ییغینده مملکت اوز ایاغی‌گه توریش‌نینگ بیرینچی یولی مالیه تولش بیلن ممکن دیگن. بیرینچی مرته مالیه توغریدن – توغری افغانستان خلقی دن آلینیب حکومت خزینه‌سی‌گه اوته‌دی و بو ایسه مملکت اوز ایاغی‌گه توریش نینگ بیرینچی یولی دیر.
شونینگ‌دیک افغانستان مخابراتی خذمت‌لرنی منتظم‌لش اداره رییسی محمدنجیب عزیزگه نینگ مذکور ییغینده ایتیشیچه، اوشبو اداره‌نینگ قول‌گه کیریتگن گزارش‌لریده 80 میلیون افغانی‌دن آرتیق مبلغ مخابراتی خذمت‌لردن توپلنگن.
مخابرات وزیرلیگی مسؤول‌لریگه کور، مخابراتی شرکت‌لر مشتریلریدن محصول آلیش فقط افغانستان‌ده چیکلنمی دنیا نینگ کوپچیلیک مملکتلری جمله‌دن قوشنی مملکت‌لرده هم بو لایحه عمل‌گه آشیریله‌دی.
