ایچکی محصولات حمایت ایتیلیشی اوچون مدافعه همده ایچکی ایشلر وزیرلیگی جاری ییلده خصوصی بولیملر بیلن بیرمینگ شرطنامه امضالهگن. بوگون افغانستان اقتصاد وزیرلیگی تامانیدن "ایچکی محصولاتلرنی حمایت ایتیش" نامی آستیده کابلده بوگون بیر خبری ییغین اوتکزیلدی.
یغیینده مملکت مدافعه همده ایچکی ایشلر وزیرلیکلری نمایندهلری اشتراک قیلگن ایدی. شونینگدیک ییغینده سوزگه چیققن ایچکی ایشلر وزیرلیگی تدارکات بولیم رییسی نوید احمد بخشی، مذکور وزیرلیک ایچکی محصولاتلرنی حمایت قیلیش اوچون جاری ییلده 690 کیلیشوونی خصوصی شرکتلر بیلن امضالهگن لیگی بارهسیده خبر بیرگن.
عین حالده، افغانستان ملی مدافعه وزیرلیگی تدارکات بولیمی اورین باسری جنرال غلام سخینینگ سوزلریگه کوره، ایچکی محصولاتلر مذکور وزیرلیک بنیادی تدارکات بولیمینی تشکیل ایتهدی. وزیرلیک جاری ییلده 500 دن آرتیق کیلیشوونی ایچکی شرکتلر بیلن امضالهگن دیگن.
باشقه تاماندن مملکت صنعتچیلر بیرلشمهسینینگ بیرینچی اورین باسری نصیراحمد انصاف نینگ، خصوصی بولیمنی حمایت قیلیش سرمایه تاتقیزیش میزانی آشیشی همده اهالی اوچون ایش زمینهسی یرهتیلهدی دیگن.
صنعتچیلر بیرلشمهسینینگ اورین باسری دستلب حکومتدن ایچکی محصولاتنی حمایت قیلیشنی سورهدی. اونگه کوره، ایچکی محصولاتنی ایشلهتیش مملکت اهالیسی ایچیده بیر مدنیتگه ایلهنیشی ضرور.
عین حالده، مملکت اقتصاد وزیری ستار مراد، بو ییغین خصوصی بولیم بیلن دولت اورتهسیده فاصلهنی کمتیریشی اوچون مناسب زمینه بولگن لیگی حقیده تاکیدلهگن. او، افغانستان اقتصادی رواجلهنیشینینگ یگانه یولی مملکت ایچکی محصولاتلرینی حمایت قیلیشده تاکیدلهگن.
شونینگدیک جناب مراد، افغانستان اقتصاد بولیمی کوچلهنیشی اوچون تشقی مملکتلردن هم بو ساحهده همکارلیک قیلیشلرینی سورهگن.
