طالبان گروهینینگ جوزجان ولایتی قرقین تومنی یشاوچیلریدن باج آلیشی، اوشبو تومن یشاوچیلریگه قرشی قیینچلیک یرهتگن.
جوزجان ولایتی قرقین تومنینینگ ولسوالی شکورالله جاهدنینگ اوشبو وضعیتدن خواطر بیلدیریب ایتیشیچه، مذکور تومنده طالبلر فعالیتی کوپهیب و اولر اهالیدن باج آلیش اوچون تیکشیریش ایستگاهلر قورگن.
قرقین تومنینینگ یشاوچیلریدن ایکی تهسی فدامحمد و قربان تردینینگ ایتیشیچه، طالبان گروهی نیچه آیدن بویان تکشیریش ایستگاهلر قوریب موترلر و اهالیدن باج آلهدی.
جوزجان پولیس قومندانلیگینینگ خوفسیزلیک آمری عبدالحفیظ خاشینینگ اوشبو خبرنی تصدیقلب ایتیشیچه، طالبلر تورلی بهانهلر آرقهلی مذکور تومن یشاوچیلریدن باج آلهدی.
جوزجان مدنی فعاللریدن قطارینینگ طالبلرگه قرشی حربی علیات یولگه قویلمهگنیدن تنقید قیلیب ایتیشیچه، شونینگدیک وضعیت دوام تاپگن صورتده قرقین تومننینگ طالبلر قولیگه سقوط قیلیشی ممکن.
