ملی بیرلیک حکومتی اجراییه ریاستی ایکینچی اورین باسری نینگ ایتیشیچه، افغانستان و پاکستان علاقه‌سی اوستیگه ایریم موضوع لر سایه تشله گن و پاکستان دولتی بیرگن وعده‌لریگه عمل قیلمه‌گن.
شیعه‌لرنینگ 12- امامی توغیلگن کونی (15- شعبان) بلخ ده اوتکزیلگن مراسم‌ده محمد محقق نینگ ایتیشیچه، پاکستان دولتی، ملی بیرلیک حکومتی نینگ بیرینچی کونلریده طالب‌لرنی تینچ لیک مذاکره‌سی‌گه وادار قیلیشی و اولرنینگ بهاری هجومی‌نی افغانستان‌ده توخته‌تیش توغریسیده وعده بیرگن.
بیراق، اونگه کوره، حاضرگه قدر بو خصوصده پاکستان دولتی تامانیدن هیچ بیر ایش عمل‌گه آشیریلمه‌گن. جناب محقق‌نینگ کوپیتیریشیچه، بیللی ایمس پاکستان بیرگن وعده‌سی عمل‌گه آشیریلیشی خصوصی‌ده سعی و حرکت قیلمه‌گن می یا -ده طالب‌لرگه زوری ییتیشمه‌گن می؟
کابل و اسلام‌آباد نینگ سونگی علاقه‌سی دولت رسمی‌لری، سیاسی ایش بیلر مان‌لر و تینچ اهالی اورتهسیده خواطرلر و خرسندلیک‌لر بیلن بیرگه بولگن.
ملی بیرلیک حکومتی تشکیل ایتیلگنی‌دن کیین، جمهور رییس افغانستان و پاکستان علاقه‌سی کینگه‌ییشی خصوصی‌ده سعی و حرکت قیلیب و جمهور رییس غنی بیرینچی کونلریده پاکستان‌گه سفر قیلدی.
جمهور رییس‌غنی، افغانستان تینچ‌لیگی تأمین لنیشی توغریسیده پاکستان همکارلیگی‌نی جلب ایتیشی اوچون قیلگن سعی و حرکت لری نتیجه‌سی‌ده پاکستان طالب‌لرنینگ افغانستان حکومتی بیلن مذاکره قیلیشی گه کوندیریشی خصوصی‌ده وعده بیردی.
بیراق پاکستان نه فقط بیرگن وعده‌سی‌گه عمل قیلمه‌گن، بلکیم طالب‌لر هجومی آلدین‌دن کوره کوپه‌ییب و شونینگ تینچلیک مذاکره‌لری هم نتیجه بیرمه‌گن.
جناب محقق‌گه کوره: « بیزلر افغانستان یوتوققه ایریشیشی و تینچ لیگی اوچون قوشنی مملکت‌لرنی شریک قیله‌میز و اولر بیلن همکار بولیب ترورچی‌لر یوقاته‌میز. باشقه مسله‌لر جمله‌دن یوکسه‌لیشلر، اقتصادی همکارلیک‌لر و چین، هند، پاکستان، ایران و شمالی قوشنی مملکت‌لرمیز اورتهسیده ایپک یولی دیک اقتصادی لایحه‌لر آرقه‌لی علاقه باغلش» دیر.
جناب محقق، ملی بیرلیک حکومتی خلق ایسته‌گی گه ایجابی جواب بیره آلمه‌گنینی تصدیق‌له‌گن. اونگه کوره، حکومت خلق ایسته‌گی و قیین چیلیک‌لری‌گه ییتیشیش اورنیده تینچلیک مذاکرهلربیلن اورینب قالگن.
شونینگ‌دیک ملی بیرلیک حکومتی‌نینگ اجراییه باشلیغی عبدالله‌عبدالله هم بوندن آلدین حکومت خلققه بیرگن وعده‌لرینی عمل‌گه آشیره آلمه‌گنینی ایتکن ایدی.
