اخیرگی وقتلرده ملامنصور بیلن ملارسول اورتهسیده تارتیشولر آشگن. بو تارتیشولرنینگ جریانی هلی هلمند ولایتیگه ییتگن.
بوندن آلدین کورینیشیچه طالبلر اوشبو ولایتنینگ بیر قنچه بولیملریده اختلافسیز فعالیتگه دوام بیرگنلر.
اوزینی ملا رسول سوزلاووچیسی دیب تانیشتیرگن ملاعبدالمنان بوگون (سهشنبه) سلاموطندار رادیوسیگه صحبت بیرگن ملا منصورگه طرفدار 150 کیشینی حبسگه آلگن لیگینی ایتگن.
گزارشلرگه کوره، ملارسولگه طرفدارکیشیلر (20 جمعه) کون ملامنصورگه وفادارکیشیلردن 50 نفرینی قولگه آلگن ایدی. عبدالمناننینگ سوزلریگه قرهگنده، هلمند ولایتینینگ اهالیسی ملارسولگه طرفدار دیر و منطقه اهالیسی هم ملامنصور فعالیتی آستیده بولیشنی ایستمهگنلر.
اونینگ ملا منصورگه اشاره قیلیب ایتیشیچه، مذکور ولایتده علیزایی، پوپلزایی، بارکزیی و نورزایی قوملری استقامت قیلهدی؛ اما، "اسحاقزی" قومنی بو منطقهلرده قدرتنی اوز قمراویگه آلگن.
طالبلر گروهیدن ایریلگن ملارسولنینگ سوزلاووچیسی، ملامنصورنی طالبلرنینگ سابق رهبری ملاعمرنی اولدیرگنلیکده عیبلهگن.
ملاعبدالمنان، ملا منصورنی قوماندانلرینی امریکه، بیریتانیا رسمیلری بیلن اوچرهشیب اولر بیلن بیتیم امضالنگن لیگی بارهسیده تاکیدلهگن.
بو توغریده ملامنصورنی فکرینی اورگهنیش اوچون مذکور حرکتنینگ سوزلاووچیسی قاری یوسف احمدی فکرینی اورگهنیش اوچون آلیب بارگن سعی و حرکت نتیجه بیرمهگن. سوونگی وقتلرده هلمند ولایتینینگ بیش ولسواللیگی قوراللی طالبلر تامانیدن تصرف ایتیلگن بیر پیت بو گروهی اورتهسیده توقنشو یوز بیرماقده.
طالبلرنینگ سابق رهبری ملاعمر وفات ایتگن لیگی اعلان ایتیلیشی بیلن مذکور حرکت نینگ رهبریتی ملان منصور ذمهسیگه بیریلدی.
دستلب ملا عمرنینگ خانهدانی ملامنصورگه قرشیلیک کورستگن ایدی. طالبلر مرکزی کینگشینینگ اعضاسی ملاعبدالرسول ملامنصورنی بیعت قیلمهگندن کیین اوزینی طالبلر رهبری اعلان قیلدی.
