مخابرات و معلومات وزیری عبدالرزاق وحیدینینگ ایتیشیچه، مخابراتی ترماغلر مشتریلریدن 10 فایز مالیه آلیش اولرگه تحمیل ایتیلگن.
جناب وحیدی، مخابرات وزیرلیگی تامانیدن، (سهشنبه کون) کابلده اوتکزیلگن ییغینده سوزگه چیقیب ایتیشیچه، مخابرات وزیرلیگی کوتیلمهگن حالده مخابراتی ترماغلر مشتریلریدن مالیه آلیش بحثیگه کیرگن و مالیه وزیرلیگی دستلب مخابرات وزیرلیگی بیلن بو توغریده هیچ قندهی بحث اوتکزمهگن.
اونینگ ایتیشیچه، جمهور رییس بویروغیدن کیین، اولر مخابراتی ترماغلر مشتریلریدن 10 فایز مالیه آلیش سیستمه ایجاد ایتیشگه مجبور بولگن.
شونینگدیک اوشبو وزیرلیک، مملکت بویلب ترقهتیلگن 25 میلیون سیمکارتدن 12 میلیون سیمکارت فعال سیزلیگیدن خبر بیریب ایتیشیچه، اولر برقی شکلده سیمکارتلرنی رویخطگه آلیش خصوصیده ینگی لایحهنی قولگه آلگن و کیلهجک نیچه آیده ایشی رسمی شکلده باشلنهدی.
مخابراتی خذمتلرنی کوزهتیش اداره (اترا) باشلیغی نجیبالله عزیزنینگ اوشبو ییغینده ایتیشیچه، سیمکارتلرنی رویخطگه آلیش، بیرینچی لایحهلریده قرار تاپگن. جناب عزیزنینگ، مخابرات مشتریلریدن مالیه آلیش خصوصیده ایتیشیچه، اوشبو لایحه یالغیز جمهور رییس تامانیدن ایلگری فرمان لغو ایتیلیشی توغریسیده فرمان صادر ایتیلگنیدن کیین توختهتیلهدی.
بوندن آلدین، پارلمان نمایندهلری، جمهور رییس آرقهلی، مخابراتی شرکتلر مشتریلریدن 10 فایز مالیه آلیش خصوصیده، صادر ایتیلگن تقنینی فرماننی رد ایتیب و اونی قانونگه قرشی دیگن ایدیلر.
اوشبو تقنینی فرمان، پارلمان نمایندهلری رخصتی کیتگن چاغیده صادر ایتیلگن، مملکت اساسی قانونیگه کوره، جمهور رییس، بو زمانده اقتصادگه تیگیشلی فرمان صادر ایته آلمهیدی.
