افغانستان انسان حق و حقوقلری ایرکین کمیسیونینینگ مسووللری، گناهسیز انسانلرنی اولدیریش اوروش جنایتی حسابلنهدی دیب، اوتگن کون یاروغلیک حرکتی اعتراضچیلریگه قرشی صادر قیلگن هجوم عامللری تانیلیب محکمه ایتیلیشینی ایتگنلر.
مملکت انسان حق و حقوقلری ایرکین کمیسیون باشلیغی سیماسمر بوگون (یکشنبه) کابل ده اوتکزیلگن خبری بیر انجمنده، خلق ارا محکمهنینگ سکیزینچی مادهسیگه موافق، یاروغلیک حرکتی اعتراضچیلری ایچیده صادر ایتیلگن خودکش هجوم اوروش جنایتی حسابلنهدی دیگن.
خانم سمر، افغانستان حکومتی دهمزنگده صادر قیلگن هجومنینگ عامللری محکمه ایتیلیشی اوچون خلق ارا محکمه گه مراجعه قیلیشنی سورهگن.
جمهور رییس سوزلاوچیسی نینگ اورین باسری شاهحسین مرتضوینینگ ایتیشیچه، حادثه تیکشیریلیشی اوچون مملکت دولت باشقرهلاوچیلیک ادارهسی رهبرلیگیده مخصوص کمیسیون ایجاد ایتیلگن.
شونینگدیک جناب مرتضوی، مذکور کمیسیونگه مملکت انسان حق و حقوقلری کمیسیون رسمیلری، امنیتی ادارهلر و اعتراضچیلردن اعضا آلینهدی دیگن.
اوتگن کون (شنبه) اوچ نفر خودکش هجومچی کابلنینگ دهمزمنگ منطقهسیده یاروغلیک حرکتی نمایشچیلرینی هجوم آستیگه آلگن ایدی. نتیجهده 80 کیشی قربان بولیب، 231 انسان ایسه آغیر و یینگیل تن جراحتی آلدی.
