جوزجان ولایتی نینگ آقچه تومنیدن سلاموطندار اختیاریگه توشگن معلوماتلرگه کوره، بالاحصار قرارگاهیگه جایلشگن ملی اردو عسکرلریدن 20 تهسی بیرینچیدن مذکور قرارگاه آشچیسی تامانیدن زهرلنتیریلیب و اوندن سونگ، طالبان تامانیدن اوققه توتیلگن.
آقچه تومنی ولسوالی غلامسخی سبحانی نینگ سلاموطندارگه ایتیشیچه، اوشبو تومنده امنیتی وضعیت خواطرلنترووچی دیر.
اونینگ کوپهیتیریشیچه، "دوشنبه" کیچهسی یوز بیرگن واقعهده ملی اردو عسکرلریدن 20 تهسی، مردمی کوچلردن 2 تهسی، ملی پولیس عسکرلریدن بیرتهسی و بیر تینچ اهالی هلاک ایتیلگن و شونینگدیک، ملی پولیس عسکرلریدن 5 تهسی و مردمی کوچلردن 5 تهسی یرهلنگن دیر.
جوزجان حاکمی لطفالله عزیزی، آقچه تومنی نینگ امنیتی وضعیتیدن خواطر بیلدیرگن. اونینگ ایتیشیچه، اوشبو تومنده حربی عملیات یولگه قویلمهگن صورتده، طالبان هجوملرینی کوپهیشی ممکن.
جوزجان پولیس قومندانی عبدالواحد وجدان، آقچه تومنیده طالبان تامانیدن صورت تاپگن هجومینی تصدیقلیدی، بیراق تلفات خصوصیده صحبت قیلمهیدی.
طالبان گروهی بیرپیام آرقهلی، مذکور واقعه مسوولیتینی بوینیگه آلگن.
شوتوغریده…
