مالیه وزیرلیگی نینگ ایتیشیچه، لایحه‌لر عمل‌گه آشیریلمه‌گنی گه بودجه یوقلیگی بهانه بولمه‌یدی.
بوگون نماینده‌لر کینگشی، مالیه، عدلیه، اقتصاد وزیرلیک‌لری و تدارکاتی اداره رسمی‌لرینی، قول قوییلگن کیلیشوولر و یکونلنمه‌گن لایحه‌لر توغری سیده جواب بیریش اوچون، اوشبو مجلس‌گه چقیرگن ایدی.
اوشبو ییغینده مالیه وزیرلیگی رسمی‌لری نینگ اورغولشیچه، هیچ بیر اداره بودجه حجتی‌نی رد قیله آلمه‌یدی و مالیه وزیرلیگی لایحه‌لری نینگ مالی پولی‌نی تأمین‌لش‌گه مسؤول دیر.
نماینده‌لر کینگشی نینگ بوگونکی ییغینیده، مجلس اعضالری، اداره‌لرده کینگ فساد موجودلیگی، تعیین ایتیلگن زمانده لایحه‌لر عمل‌گه آشیریلمه‌گنی و کیلیشوولر اساسیده، قطار لایحه‌لر یکونلنمه‌گنی باعث، حکومت رسمی‌لرینی سوراققه دوچ کیلتیرگن.
مالیه وزیری اکلیل حکیمی، عدلیه وزیری داکتر بصیر انور، اقتصاد وزیری عبدالستار مراد و تدارکات اداره‌سی نینگ باشلیغی یما یاوری، کیلیشوولر خصوصیده‌گی قیین چیلیک‌لر و قطار لایحه‌لر حمایه ایتیلمه گنی توغری سیده، نماینده‌لرنینگ سوراق‌لریگه جواب بیرگن‌لر.
مالیه وزیری اکلیل حکیمی نینگ ایتیشیچه، بوندن کیین، هیچ بیر وزیرلیک کیلیشوولرنی مالیه وزیرلیگی تامانیدن پولی تأمین ایتیلمس‌لیگینی بهانه قیلیب رد ایته آلمه‌یدی.
جناب حکیمی نینگ کوپه‌یتیریشیچه، ملی تدارکات کمیته سیده کیلیشوولر تیکشیریلگنی‌دن کیین، مذکور کمیته گه مراجعت قیلگن کیلیشوولردن 40 فایزی معیاری بولگن.
عین حالده، بوگونکی ییغین ریاستی‌گه عهده دار مجلس ایکینچی اورین باسری نعمت‌الله غفاری نینگ ایتیشیچه، ملی تدارکات کمیته‌سی نینگ ایشلری یخشی‌لیک‌لری یانیده نواقص‌لر هم موجود. کیلیشوولر چوزیلگن صورتده، اداری فسادگه زمینه یره ته‌دی.
جناب غفاریگه کوره، بوندن کیین، لایحه‌لر عمل گه آشیریلمه گنی توغری سیده پول سیزلیک بهانه‌سی قبول قیلینمه‌یدی.
جناب غفاری نینگ کوپه‌یتیریشیچه، بوندن کیین، لایحه‌لر عمل‌گه آشیریلمه‌گن صورتده، تیگیشلی وزیرلیک رسمی‌لری و مالیه وزیری سوراققه دوچ کیله‌دی.
بوندن آلدین، ملی تدارکات اداره‌سیده کینگ فساد موجودلیگی و تعیین ایتیلگن زمانده لایحه‌لر عمل‌گه آشیریلمه گنی توغری سیده خواطرلر موجود ایدی و حکومت رسمی‌لری، هردایم ناتینچ‌لیک‌لر و پول سیزلیک‌نی لایحه‌لر عمل‌گه آشیریلمس‌لیگی خصوصیده اساسی دلیل قیلیب چیقارردی.
