.jpg)
صنعت، کانلر و سرمایه یاتقزیش ایشلری بوییچه یوکسک کینگش مسؤوللریگه کوره، اوشبو کینگشنینگ بیرینچی مقصدی افغانستاننی ثمرهلی و صادراتی مملکت گه اوزگرتیریش دیر.
بوگون کابلده خصوصی ادارهلردن حمایت قیلیش مقصد ده صنعت، کانلر و سرمایه یاتقزیش یوکسک کینگشی آچیلدی.
مذکور کینگشنی آچیلیش مراسمیده نطق سوزلهگن صنعت، کانلر و سرمایه یاتقزیش ایشلری بوییچه یوکسک کینگش باشلیغی عبدالجبار صافینینگ ایتیشیچه، 15 اداره بیلن صحبت قیلینگنیدن سونگ، صنعت، کانلر و سرمایه یاتقزیش یوکسک کینگشی ایجاد ایتیلگن.
جناب صافی گه کوره، صنعت، کانلر و سرمایه یاتقزیش ایشلری بوییچه یوکسک کینگشی، افغانستاننی وارداتی مملکتدن ثمرهلی و صادراتی مملکت گه اوزگریش اوچون کورهشهدی.
.jpg)
شونینگدیک، صنعت، کانلر و سرمایه یاتقزیش ایشلری بوییچه یوکسک کینگش آچیلیش مراسمیده سوزگه چیققن صنعت و سوداگرلیک اتاقی اورین باسری خانجان الکوزینینگ ایتیشیچه، حکومت خصوصی بولیملرنی اورتهدن کوتریش اوچون حرکت قیلهدی.
جناب الکوزی گه کوره، دولت سرمایه یاتقزووچیلر و سوداگرلر آرهسیده اتفاقسیزلیک تشلهیدی.
بیراق، صنعت و سوداگرلیک وزیرلیگی سوزلاوچیسی مسافر قوقندی، جناب الکوزینینگ بیاناتلریگه عکسالعمل بیلدیریب و خصوصی بولیملردن دولت حمایتی گه اشاره قیلیب ایتیشیچه، حکومت ینگی صنعتی پارکلر لایحهسیده، اوچ تامانلمه پارکلردن بیرینی خصوصی بولیملر اوچون اجرهتگن.
