بوگون «شنبه» هرات ولایتیده خبری بیر ییغین اوتکزگن مذکور ولایت کینگشی باشلیغی کامران علیزایی نینگ ادعا قیلیشیچه، هرات گمرکی درآمدلر3یدن 50% چیتایل دن آلیب کیلینهدیگن توارلر محصول قیلینمهگنی سبب، تالان قیلینهدی.
هرات ولایت کینگشی باشلیغی نینگ ایتیشیچه، هرات گمرکی دده درآمد تالان قیلینیشی توغریسیده ایشانچلی حجت قولگه کیریتگن و بو حجت گه کوره، قطار موترلرده قالین یوکلنهدی، لیکن قالین گمرکی محصولی یوقاری بولگنی باعث، گمرکی محصولی ارزان بولگن شیشهیی ظرف آتی گه محصول قیلینهدی.
جناب علیزایی نینگ کوپهیتیریشیچه، قطار موترلرده 80 تُن بار یوکلنهدی، بیراق گمرکی حجت ده 20 تُن دییلگن و بو موضوع بیر تاماندن درآمد تالان قیلینگنینی کورستهدی و باشقه بیر تاماندن موترلرنی یوکی آغیر بولگنی سبب، یوللر بوزیلهدی.
هرات ولایت کینگشی باشلیغی نینگ ایتیشیچه، هرات گمرکی ده بولگن فساد تیکشیریلیشی اوچون کابل دن بیر هیأت کیلگن ایدی، لیکن بو هیأت وضعیت نی تیکشیرمهی و معلومات قولگه کیریتمهی کابل گه قیتگن.
عین حالده، هرات گمرکی باشلیغی عبدالله شیرزی نینگ سلاموطندارگه ایتیشیچه، ولایت کینگشی باشلیغی نینگ درآمد تالان قیلینیشی ده قولی بار ایکن و حاضر درآمد دن قولی اوزیلگنی باعث، گمرک ده فساد بارلیگی خصوصیده ادعا قیلگن.
هرات گمرکی باشلیغی، بو گمرک ده فساد موجودلیگی دن انکار قیلمهیدی؛ لیکن ایتیشیچه، مملکت عدلی و قضایی ادارهلریگه جواب بیریش اوچون حاضر دیر.
عین حالده، هرات حاکمی سوزلاوچیسی جیلانی فرهادنینگ ایتیشیچه، محلی اداره اوشبو ولایت گمرکی ده فساد موجودلیگی خصوصیده بولگن حجتلرنی جدی شکلده تیکشیریب و عامللرینی قانون اساسیده تیرگاو قیلیشی توغریسیده حاضر بولگن.
شو توغریده…
هرات گمرکینینگ یوزلرچه ایشلاوچیسی ناراضیلیک بیلدیرگن
