د اطلاعاتو او فرهنګ وزارت وایي چې له ښځو سره د تاوتریخوالي راکمولو په موخه یې ۱۶ ورځنی کمپاین پیل کړیدی.
د اطلاعاتو او فرهنګ سرپرستې وزیرې حسینې ساپۍ نن کابل کې خبري غونډې ته وویل، دغه کمپاین نن پیل او د ډېسمبر تر ۱۰مې به دوام وکړي.
مېرمن ساپۍ زیاته کړه چې د فردي او ټولنیزو نوښتونو او اطلاع رسولو سره غواړي چې له ښځو سره تاوتریخوالی کم کړي.
له بلهپلوه د ښځینه خبریالانو ملاتړ مرکز رییسې فریدې نیکزاد د ولسي جرګې له نوماندانو وغوښتل که بریالي شي باید د ښځو په ګټه کار وکړي او قوانینو کې مثبت بدلون راولي.
د اطلاعاتو او فرهنګ وزارت چارواکي وايي، له ښځو سره د تاوتریخوالي مخنیوي ۱۶ ورځني کمپاین کې بېلابیل پروګرامونه لکه، د فلمښودنه، د کتاب مخکتنه، مشاعره، د ښځو لاسي صنایعو د ښځو په اړه لرغونو اثارو نندارې ته وړاندې کول.
