د بادغيس امنیې قوماندان احمدفهیم قایم وايي، دا پېښه تېره شپه د قادس ولسوالۍ په جهاندوست سیمه کې شوېده.
د نوموړي په وینا، د دې کمعمره نجلۍ پلار څه موده مخکې خپله لور یو پاخه سړي ته ورکړې وه چې خاوند یې تل ځوروله کوله. اوسمهال د پېښې په تړاو د وژل شوې ناوې پلار نیول شویدی.
په همدېحال کې د بادغیس د ښځوچارو رییسه زرغونه شېرزاد هم پېښه تاییدوي او وايي، کورنی تاوتریخوالی د دې نجلۍ د وژل کېدو لامل شویدی.
نوموړې له امنیتي ارګانونو غواړي چې د وژل شوې ناوې خاوند هم ونیسي او د قانون منګولو ته یې وسپاري.
کورنی تاوتریخوالی چې د قتل سببېږي؛ په افغانستان کې ډېرې بېلګې لري. یوې نجلۍ تېرکال جوزجان کې هم له کورنۍ سره تر لفظي شخړې وروسته، ځان وژلی و. دغه راز بغلان کې هم خلک له ناموسي وژنو شکایت کوي.
