په غزني کې د وقتفر مدني بنسټ له لوري د «ګلسنګ» په نوم مشاعره وشوه.
دغه پروګرام کې شاعرانو د نوي کال د نمانځلو په اړه خپل شعرونه وویل.
د تمثیلي ټوټو، محلي موسیقۍ، ملي اتڼ او د غزني هندوانو له لوري د لرګیو جنګولو ګډا ترسره کول؛ د دې پروګرام له نورو برخو څخه وو.
د غزني مرستیال والي محمدعارف واحدي وايي، د ملي فرهنګ او جشنونو معرفي کولو او پیاوړي کولو او د غمځپلو هېوادوالو ژوند کې د خوشالۍ راوستلو لهپاره، د دا ډول پروګرامونو جوړول ډېر مهم او ګټور دي.
وروستیو کلونو کې غزني کې د نوي کال نمانځنې پر وړاندې تر بل هر وخت زیات مخالفتونه را ولاړ شويدي.
تفریحي سیمو او زیارتونو کې چې معمولاً د نوي کال لومړیو ورځو کې د خلکو ګڼه ـ ګوڼه پهکې زیاته وي؛ ماین اېښودل له جدي بېلګو شمېرل کېږي.
لهدې سره د اطلاعاتو او کلتور ریاست مسوولان وايي، هغوی د نوي کال تاریخي جشن نمانځلو لهپاره امنځایونو کې ځانګړي پروګرامونه جوړوي.
