لوگر ولایتی کینگش اعضاسینینگ سلاموطندارگه ایتیشیچه، بوگون دوشنبه ایرتهلب، قوراللی عصیانچیلر، مذکور ولایتدهگی ایسکی زیارتلردن بیری چرخ تومنیده جایلشگن «شاه خلوتی» زیارتینی بمب بیلن اورتهدن آلیب کیتگن.
لوگر والیسی سوزلاوچیسی محمد سلیم صالحینینگ سلاموطندارگه ایتیشیچه، شاه خلوتی ریارتینینگ 500 ییللیک قدمتی بار و افغانستاننی اونملی آبدهلریدن بیری سنلهدی. جناب صالحیگه کوره، لوگر، میدان وردک، پکتیا و کابل ولایتلری بیرقطار سیدلری شاه خلوتی فرزندلری دییلهدی.
شونینگدیک، کمیده بیر آی آلدین قوراللی عصیانچیلر، میدان وردکده جایلشگن «سوبیان» زیارتگاهسینی بوتونلهی بوزگن ایدی.
دولت اسلامی گروهی، عرب مملکتلریده، کوپینچه تاریخی ییرلر و زیارتلرنی بوزگن. اوتکن کون داعش گروهی سوریهنینگ پالمیرای شهریده بیر تاریخی معبدنی نابود ایتکن. شبههلرگه کوره، شاه خلوتی زیارتگاهسی هم اوشبو گروه تامانیدن بوزیلگن.
