هرات ایکینچیلیک ادارهسینینگ مسؤوللری ولایتده بال (عسل) ایشلب چیقاریش محصولاتی آشگنلیگی بارهسیده خبر بیرگنلر. هرات ایکینچیلیک ادارهسی اریچیلیک( زنبورداری) بولیمینینگ مدیری محمدمیرویس ساداتنینگ سوزلریگه کوره، اوتگن ییل مذکور ولایتده 20مینگ کیلو گرام بال (عسل) ایشلب چیقاریلگن بو رقم جاری ییلده ایسه 25 مینگ کیلو گرام گه ییتگن.
جناب سادات، مناسب هوا همده اریچیلیک (زنبورداری) فارمی کوپ بولگنلیگی ولایتده بال (عسل) محصولاتی آشیشیگه باعث بولگن دیگن.
هرات ایکینچیلیک ادارهسی اریچیلیک (زنبورداری) بولمی مدیرینینگ سلام وطندارگه ایتیشیچه، حاضرگی کونده ولایت بویلب بیش مینگ خانهدان اریچیلیک (زنبوردار) ایشلر بیلن شغلنه دیلر.
ساداتگه کوره، بولر بال ایشلب چیقاریشنی 1386- ییلده یالغوز تحقیقی فارم ده 10 کندو بیل باشلهگن لر. ایتیلیشیچه، 8 ییل جریانیده اوشبو محصولات کوزگه کورینرلی درجهده ایجابی نتیجه بیرگن.
عین حالده، بال ایشلب چیقاریش اوتگن ییللردن کوره آشگن، اما قطار ایکینچیلر همده فارملر ایگهلری محصولاتلرینی ساتیش اوچون یخشی بازار بولمهگن لیگیدن شکایت قیلگنلر.
اریچیلیک (زنبورداری) فارم ایگهلریدن بیر غلام سرور سکیز ییلدن بیری اوشبو ایش بیلن شغللنهدی. او جاری ییل 355 اری کندوسیدن 1100 کیلو گرام عسل آلیشگه موفق بولگن. لیکن او، هراتده بو محصولات اوچون یخشی بازار بولمهگنلیگی سبب بو ساحهده صرفلهگن پولی نی قولگه کیریتیش هم موفق بولمس لیگینی حکایه قیلگن.
آذیق آوقت تحقیقچیلریگه کوره، افغانستان عسلی باشقه مملکت محصولاتلریگه کوره صفتلی دیر. حاضر هرات ولایتیده بیر کیلو یخلت عسل 800 دن 1000 افغانی گچه ساتیلهدی.
