افغانستان اجراییه ریاستی باشلیغی عبدالله عبدالله، ملی مدافعه وزیرلیگی نینگ لوژستیک ریاستی اوستیگه اویوشتیریلگن هجوم گه عکسالعمل بیر اعلامیهده ایتیشیچه: «طالب آتیده بولگن قول، ایکی یوزلی، تروریست و تروریستپرور گروهی بیر تاماندن تینچلیکدن سوزلهیدی و باشقه تاماندن مدافعهسیز یشاوچیلر و ملکی مرکزلرنی اوستیگه هجوم قیلهدی.»
جناب عبدالله نینگ ایتیشیچه: خدادن قورقمس عصیانچی و جنایتچیلر ینه بیربار دهشتلی بیر هجوم اویوشتیریب کابل شهری و یشاوچیلرنینگ تینچلیگینی برهم اورگنلر.»
اونگه کوره، «طالبان گروهی نینگ هجوملری و برنامهلری جاری ییل یازده مغلوبیت گه اوچرهگن و شو یوزهدن خودکش و پارتلش هجوملر یولگه قوییب شهر یشاوچیلری نینگ تینچلیگینی برهم اوروش اوچون سعی و حرکت قیلهدی و اسلام بیلن انسانیت گه قرشی طریقهلردن فایدهلنیب بارلیگیدن خبر بیرهدی.»
اجراییه باشلیغی نینگ کوپهیتیریشیچه: «عصیانچیلرنینگ برابریده بیزلرنینگ پیامیمیز آچیق دیر، خودکش و پارتلش هجوملری بیلن قاره یوزلیک، نفرت و یامانلیکدن باشقه نرسه قولگه کیریته آلمهیدیلر!»
بوگون «دوشنبه» ایرتهلب طالبان گروهی کابل شهری نینگ 16- حوزهسیگه تیگیشلی منطقهده پارتلاوچی ماده دن توله بیرگن بیر موترنی پارتلهتیب و ملی مدافعه وزیرلیگی نینگ لوژستیک ریاستی اوستیگه هجوم قیلگن.
ساغلیقنی سقلش وزیرلیگی نینگ ایتیشیچه، اوشبو واقعه نتیجهسیده 1 کیشی هلاک و باشقه 65 کیشی یرهلنگن و اولرنی برچهسی کسلخانهلرگه ییتکیزیلگن.
شونینگدیک، معارف وزیرلیگی نینگ اعلان قیلیشیچه، بو واقعهده 50 دن آرتیق مکتب اوقووچیسی یرهلنگن.
اوشبو هجوم مسؤولیتینی طالبان گروهی بوینیگه آلگن.
