قندوز تیینچ‌لیک عالی کنیگشی‌نینگ دفتری، تیینچ‌لایحه‌گه طالب‌لرنی قبول قیلیش دن باش کوتارگن.
قندوز تیینچ‌لیک عالی کینگشی‌نینگ باشلیغی مولوی عبدالبصیرنینگ سلام‌وطندارگه ایتیشیچه، اوشبو ولایت تیینچ‌لیک عالی کینگشی اقتصادی امکانات بولمه‌گنی باعث طالب‌لرنی قبول قیله‌آلمیدی، چونکه بوندن آلدین اوشبو لایحه‌گه کیلگن طالب‌لر هلاک ایتیلگنلر.
مولوی بصیر گه کوره، تیینچ‌لیک لایحه گه قوشیلگن طالب‌لر حکومت‌نینگ دقت سیزلیگی گه قرار تاپگن.
قندوز ولایتی یشاوچی‌لریدن بیرقطاری‌نینگ ایتیشیچه، مذکور ولایت‌ده تیینچ‌لیک عالی کینگشی کوپینچه پول صرف قیلگن بیراق هیچ‌قندی یوتوق‌لیگی یوق دیر.
قندوز ولایتی‌ده سابق تیینج‌لیک عالی کینگشی‌نینگ کاتیبی وحیدالله رحمانی‌نینگ ایتیشیچه، قندوز ولایتی‌نینگ تیینچ‌لیک عالی کینگشی ایشلاوچیلری رابطه‌لر اساسیگه استخدام ایتیله‌دی و تیینچ‌لیک فعالیتی ارونیده سیاسی ایش‌لرنی قیله‌دیلر.
عین‌حالده تیینچ‌لیک عالی کینگشی‌نینگ سوزلاوچیسی سید احسان طاهری‌نینگ ایتیشیچه، قورالی گروه لر 2016- میلادی ییل دن بویان تیینچ‌لیک لایحه‌سیگه قوشیلیش اوچون علاقه باغله‌گن بیراق بیرقطار قینچیلیک لر باعث قبول قیلمیدیلر.
قندوز تیینچ‌لیک عالی کنیگشی، اوتکن ییل‌لرده تیینچ‌لیک لایحه‌سیگه قوشیلگن طالب‌لر قومندانلریگه 6 آی گه قدر آی لیک 13 مینگ افغانی و اعضالریگه 8 مینگ افغانی بیره‌ریدی بیراق حاضرده اوشبو لایحه توخته‌تیلگن.
