بوگون «شنبه» سیلاولر ایرکین کمیسیونی و جمعیت‌نی رویخط‌گه آلیش اداره مسؤوللری، جواب بیریش اوچون نماینده‌لر کینگشی گه چقیریلگن ایدیلر.
نماینده‌لر کینگشی اعضالری، بوگونکی عمومی ییغینده ساخته کیم‌لیک‌لر ترقه‌تیلیشی و بو مسئله باعث، ایریم ولایت‌لرده بیر یشاوچی نیچه کیم‌لیک آلیشی توغریسیده خواطر بیلدیرگن‌لر. بیراق، نماینده‌لرگه کوره، بو وضعیت آلدی آلینیشی اوچون حاضرگچه هیچ بیر مکانیزم توزه‌لمه‌گن.
عین حالده، جمعیت‌نی رویخط‌گه آلیش اداره باشلیغی همایون محتاط نینگ ایتیشیچه، قاغذی کیم‌لیک‌لر بیلن سیلاولرنی یولگه قوییش، سیلاولر ایرکین کمیسیونی‌نینگ ریجه‌سی بولگن و جمعیت‌نی رویخط‌گه آلیش اداره، بیرینچی کوندن بو ریجه گه قرشی‌لیک کورستگن. چونکه جناب محتاط نینگ ایشانچی گه کوره، قاغذی کیم‌لیک‌لر و اونگه تیگیشلی ایسکی سیستم آرقه‌لی، سیلاولر تنیق شکلده یولگه قوییلیشی امکاندن اوزاق دیر.
جناب محتاط نینگ کوپه‌یتیریشیچه، قاغذی کیم‌لیک آلیش‌ده بولگن ساخته‌کارلیک‌که دقت قیلیش امنیتی اداره‌لرنینگ مسؤولیتی بوله‌دی؛ لیکن اولر حاضرگچه بو موضوع توغریسیده امنیتی اداره‌لردن هیچ بیر گزارش قولگه کیریتمه‌گن.
باشقه تاماندن، نماینده‌لر کینگشی اعضالریدن بیرقطاری، ایریم تومن‌لرده آواز بیرووچیلرنینگ رویخط‌گه آلیش مرکزلر یاپیقلیگی و سیلاو ماده‌لری ییتمه‌سیدن شکایت قیلگن‌لر. بیراق بو توغریده سیلاولر ایرکین کمیسیونی مسؤوللری‌نینگ ایتیشیچه، آواز بیرووچیلرنینگ رویخط‌گه آلیش 4 مینگ و 491 مرکزدن 733 مرکز امنیتی تهدیدلر و رویخط‌گه آلیش موادلر ییتمه‌گنی باعث، یاپیق قالگن.
بوگونکی ییغین‌نینگ اداغیده، نماینده‌لر کینگشی اعضالریدن بیرقطاری، سیلاولر ایرکین کمیسیونی مسؤوللری‌نینگ جواب‌لرینی قانیقرلی ایمس دیب و آواز بیرووچیلرنینگ رویخط‌گه آلیش جریان قیین‌چیلیک‌لری حل ایتیلیشی توغریسیده، کمیسیون‌نینگ هیچ بیر برنامه‌سی یوقلیگی اوستیگه تأکید قیلگن‌لر.
