د فوټبال نړۍوالی شورا مشر جیاني انفنټینو پهخپلې وروستۍ مرکې کې له قطر هېواد سره د ۲۰۲۲ کال فوټبال نړۍوال جام سیالیو لهپاره د ۳۲ هېوادونو د کوربتوب تړون په اړه خبرې وکړې.
د نوموړي په وینا، د سویلي امریکا وچې هېوادونو لهخوا په فوټبال نړۍوال جام کې د لوبډلو د غځولو له طرحې ملاتړ کوي؛ خو قطر له مخکې لاسلیک کړي تړون پر اساس حق لري چې پهخپل کوربتوب نړۍوال جام کې د لوبډلو د زیاتولو دا وړاندیز ویټو کړي.
انفنټینو د سویس په زیوریخ کې رسنیو سره په خبرو کې زیاته کړې، په ګډه باید کار وشي چې د فوټبال نړۍواله شورا د قطر هېواد له موافقې او تړون پرته د ۲۰۲۲ کال فوټبال نړۍوال جام سیالیو ته ۱۶ نور هېوادونه اضافه نهشي کړای او که د رایهورکوونکيو په برخه کی د قطر له موافقې پرته رایهورکړي؛ نو دا به بېخي بېعدالتي وي.
د فیفا مشر ویلي، فوټبال نړۍوال جام سیالیو ته د نورو ۱۶ لوبډلو اضافه کول پهدې مانا دي چې قطر نورو لوبغاليو، هوټلونو او نور ټرانسپورټ ته اړتیا لري چې د قطر حکومت ته په یوازې ځان پوښتنې پيدا کوي.
۸ کاله مخکې خلیجو هېوادونو دغه شتمن هېواد قطر ته د ۲۰۲۲ کال فوټبال نړۍوال جام سیالیو کوربتوب ورکړ چې د بېلابېلو فساد له تورونو سره ـ سره قطر د خپل کوربتوب فوټبال نړۍوال جام سیالیو لهپاره خپلې تیارۍ روانې ساتلې دي.
که د فوټبال نړۍوالې شورا رایهورکوونکي هېوادونه پهخپلې راتلونکې اوونیزې غونډې کې په ۲۰۲۲ کال فوټبال نړۍوال جام سیالیو کې د ۴۸ هېوادونو د لوبېدلو پرېکړه وکړي؛ نو د دې امکان شته چې ایران او قطر په ګډه د دې سیالیو کوربتوب وکړي.
د فوټبال څارونکي بیا پهدې باور دي چې د قطر په کوربتوب ۲۰۲۲ کال فوټبال نړۍوال جام سیالیو کې د ۴۸ هېوادونو له لوبیدو وروسته ایران هم له قطر سره د دې سیالیو په کوربتوب کې شریک شي؛ نو دا به د دوحې لهپاره ستره ماتې وي.
دا پهداسې حال کې ده چې د روان جون پر ۱۴مه نېټه په روسیه کې د ۳۲ هېوادونو ترمنځ د فوټبال نړۍوال جام سیالۍ پیلېږي.
ټاکل شوېده، د فوټبال نړیوال جام له پیلېدو مخکې راتلونکې اوونۍ د فوټبال نړۍوالی شورا رایهورکوونکي هېوادونه غونډې وکړي چې لهمخې به یې د افریقایي هېواد مراکو او په ګډه دامریکا، کاناډا او مکسیکو څخه د ۲۰۲۶ کال فوټبال نړۍوال جام سیالیو لهپاره کوربه هېواد اعلان کړي.
