غور ولایتی‌نینگ محلی بلند مرتبه‌لی رسمیلری، طالبان گروهی غورلیک بیر یاش قیز و ایرکک‌نی ناقانونی جنسی عمل‌گه عیبلب تاش کومدی قیلگن دیگن‌لر.
اوشبو یاش قیز و ایرکک اوتگن کون (یکشنبه) غور ولایت مرکزی فیروز کوه شهری‌نینگ 45 کیلو مترلیگی‌ده جایلشگن «آبدک غلمین» منطقه‌سیده تاشلب اولدیرگن.
سلام وطندار بیلن تیلفون آرقه‌لی سوزلشگن والی سوزلاووچی‌سی عبدالحی خطیبی‌نینگ سوزلریگه کوره، مذکور قیز بیلن ایرکک نینگ یاشی 20 دن 25 گچه بولگن، بو لر اوتگن کون اویلریدن قاچگن بیر چاغده محلده قورال‌لی طالب‌لر قولی‌گه توشگن.
جناب خطیبی، تاش باران نتیجه‌سیده قیز هلاک بولگن و بچه ایسه تاش کومدی محلی‌دن قاچگن بیر پیتده ینه طالب‌لر تامانیدن قولگه آلینگن دیگن. خطبی‌نینگ سوزلریگه کوره، طالب مذکور یاش ییگیت‌نی اولدیرگنی یا اولدیرمه‌گنی هنوز بیلی ایمس
شونینگدیک غور ولایت والیسی‌نینگ سوزلاووچی‌سی، منطقه‌ده طالب‌لر گروهی نینگ فعالیتی سیزیلرلی انه شو سبب محلی رسمیلر بو باره‌ده هیچ ایش قیله آلمیدی دیگن.
عین حالده، فیروز کوه شهری آبدک غلمین منطقه‌سی یشاووچیلری‌نینگ سلام وطندارگه ایتیشیچه، آلدین دن باشقه بیلن نامزد قیلینگن قیز و ایرکک اوز نامزد لرینی سیومه‌گن بیر چاغده قاچیش‌گه اولگورگن.
شونینگدیک محل اهالیسی تاش‌باران‌ده قیزهلاک بولگنی و بچه‌نی ایسه طالب‌لر تامانیدن دُره اوریلگن لیگینی ایتگن‌لر.
