کنر امنیتی رسمیلرینینگ ایتیشیچه، اوتگن کوندن بویان پاکستان حربیلری تامانیدن مذکور ولایتنینگ 5 تومنیگه 150 موشک آتیلگن.
سلاموطندار بیلن تلیفون علاقه قورگن کنر پولیس قومندانلیگی سوزلاوچیسی فرید دهقاننینگ ایتیشیچه، پاکستان تامانیدن آتیلگن موشکلر کنر ولایتینینگ دانگام، اسمار، شلتن، مرور و خاص تومنلریگه توشگن، بیراق جانی تلفات ییتکیزمهگن.
آتی فاش ایتیلیشینی ایستمهگن مرور تومنی یشاوچیلریدن بیرینینگ سلاموطندارگه ایتیشیچه، اوتگن کوندن بویان پاکستان حربیلری افغانستان توپراغیگه راکت آتماقنی باشلهگن و بو راکت آتیشلر حاضرگچه دوام ایتماقده.
اوشبو محل یشاوچیسیگه کوره، مذکور تومنده پاکستان تامانیدن آتیلگن راکتی هجوملر حاضرگچه جانی تلفات ییتکیزمهگن.
پاکستان حربیلری انچه مدتدن سونگ، باشقه بیر مرته افغانستان توپراغیگه راکتی هجوملرینی باشلهگن، بیراق حربیلرنینگ بو حرکتی قندهی و نیمه سببدن بولگنی حاضرگچه آچیقلنمهگن.
