غور ولایتی‌ده داعش فعالیتی نینگ ویدیوسی نشر قیلیندی. اوشبو تورت دقیقه‌لیک ویدیوده کوپچیلیگی بلاغت‌گه ییتمه‌گن 100گودک حربی مشق‌ده کورینه‌دی.
اوشبو ویدیوده «اسلامی دولت» موضوعی‌گه بغیشلنگن قوشیق هم ینگره‌یدی. ویدیونینگ پایانی‌ده بو بلاغت‌گه ییتمه‌گن گودکلر بیر بیراق اطرافی‌گه ییغیلیب، عربی سوزلرنی تیل‌گه آلیب بو حرکت‌نینگ رهبری بولمیش ابوبکرالبغدادی بیعت ایتیشنی اعلان قیله‌دی.
ولایت نینگ پولیس قوماندانی غلام مصطفامحسنی‌نینگ سلام‌وطندارگه ایتیشیچه، حاضرگی کونلرده داعش توده‌سی فیروزکوه شمالی‌ده حربی قرارگاه‌لر قورماقده. بو حرکت کوپراق بلاغت‌گه ییتمه‌گن باله‌لرنی عسکرلیک‌که آلماقده.
جناب محسنی، مذکور حربی رژه ایسه فیروزکوه نینگ مرغابِ منطقه‌سیده اوتکزیلگن دیگن.
غور پولیس قوماندانی، داعش توده‌سی بلاغت‌گه ییتمه‌گن بو گودکلرگه کونده 40 افغانی بیره‌دی دیگن.
باشقه ولایتلرگه قره‌گن‌ده داعش جنگریلرنینگ فعالیتی غور ولایتی‌ده کوپراق ایکن‌لیگی ایتیله‌دی. داعش عصیانچیلر اینگ سونگی مرته جوزا آیی‌نینگ اونینچی کونی آلتی ایکینچینی اوغیرلب کیتگن ایدی.
