افغانستان تیکشیریش و تحقیق بولیمی(AREU)نینگ مملکت لیسه مکتبلریده سیاسی فعالیتلر وضعیتی قندهی لیگی بارهسیده اوتکزگن تحقیقی گزارشده گروهلر و اشدی اسلامی حزبلر یاشلر ایچیگه نفوذ قیلیب اوشبو قتلمنی عسکرلیککه آلیشگه باشلهگنی توغریسیده معلومات بیریلگن.
مذکور تحقیق مملکتنینگ اون سکیز ولایتینینگ 136 مکتبیده اورگه نیلگن فکر اساسیده تیارلنگن. اوشبو تحقیقنی بجرگن آنتونیوگیوستوزی و علی احمدعلینینگ ایتیشیچه، اوشبو گزارشده 28 اوقیتووچی و 403 اوقووچی بیلن صحبت قیلینیب اولردن سیاسی حزبلر و اشدی گروهلر فعالیتی آشیشی بارهسیده سورهگن.
جناب گیوستوزی صحبتلرینینگ بیر قسمیده ایکی مذهبی حزب «جمعیت اصلاح» و «حزبالتحریر» فعالیتی بارهسیده ایتیشیچه، اوشبو ایکّی حزب کینگ شکلده دایمی طرزده افغانستاننینگ کوپچیلیک لیسهلریده ایریم یوللر بیلن بوزغینچی و اشدی فکرلرنی تبلیغ قیلیب رواجلنتیرهدی. اونگه کوره، افغانستان جمعیت اصلاحنینگ بیرینچی آدیمدهگی استراتیژیسی مکتبلر اوقووچیلرینی جلب و جذب ایتیش دیر؛ اولر لیسهلر اوقووچیلرینی تربیهلش بیلن یاشلر ذهنیگه تیزلیکده اوز تاثیرلرینی قالدیرهدی.
اوشبو تحقیقنینگ تیکشیرووچیلریدن باشقه بیری علیاحمدینینگ بیلدیریشیچه، اشدی اسلامی حزبلر حاضرگی کونده مملکت بویلب لیسهلرده حضورلری بار و اروپایی اشدی مملکتلر جملهدن فرانسه، بلژیک و انگلستان اسلامچیلری طرفیدن حمایت ایتیلهدیلر. جناب علی قندوزدهگی جاری اوروش مذکور حزب هیچ بیر گروه و قومگه همکار ایمسلر برچه یاش و ایسبورنلر مغزلری یویلگن دیگن.
جناب عل نینگ ایتیشیچه، قویاش ییتمیش و آلتمیشینچی ییللرده مکتبلرنی سیاسی بولیشی سبب نتیچهسیده وجودگه کیلگن اچیغ خاطرهلرباعث دولت مکتبلریده بوتونلی سیاسی فعالیت قیلمسلیکنی توسیب قویگن؛ اما بیزنینگ تحقیق نتیجهسیگه کوره، سیاسی فعالیتلرنی آزاد ایتیلیشی اصلاح طلب میانه رو حزبلرنی مکتبلرگه یول تاپیشی، ایسبورونلرنی سولچی و اونگچی گروهلر چنگالیدن چیقاریشی ممکن.
مذکور تحقیقچیلرنینگ سوزلریگه قرهگنده افغانستان مکتبلریدهگی سیاستزدهلیک همد اشدیلیک آلتمیشنچی و ییتمیشینچی ییللردن کوپراق یامانلشگن دیر و امنیتی همده ملی خوفسیزلیک ادارهسی و ایچکی ایشلر وزیرلیگی بو توغریده ایش قیلمهگن حالده، مملکت کیلگوسی بیش ییل جریانیده یاشلر ییریک افراطیت گروهگه ایلهنیب اوز جانلرینی قربان قیلیشگه تیار بولهدیلر.-
مذکور تحقیق زابل، قندهار، هلمند، غزنی، پکتیا، لوگر، وردک، کابل، کاپیسا، پروان، تخار، قندوز، بغلان، بدخشان، بلخ، هرات، کنر، لغمان و ننگرهار ولایتلریده عملگه آشیریلگن. بو جملهدن تخار و قندوز ولایتلریده اشدی اوقووچی یاشلر سانی جوده کوپ بولگن. شونینگدیک تخار و قندوز ولایتلریده قیز اوقووچیلر هم اشدی چیلیک گروهلرده فعالیت قیلیشلری باشقه ولایتلرگه قرهگنده جدی روشده کوپ بولگن.
