پکتیا ولایتی چمکنی تومنیده، طالبلرگه قرشی کورهشیش اوچون بلندمرتبهلی امنیتی رسمیلر تامانیدن امنیتی کوچلرگه اوروش فرمانی بیریلمهیدی.
حربی کوچلر ایکینچی بریدمن قاضی ایوبینینگ سهشنبه کون سلاموطندارگه ایتیشیچه، نیچه کوندن بویان طالبلر اولرنینگ پوستهلری اوستیگه هجوم اویوشتیرهدی، بیراق بلندمرتبهلی امنیتی رسمیلر تامانیدن اولرگه اوروش فرمانی بیریلمهیدی.
باشقه تاماندن، مذکور منطقهدهگی عسکرلردن بیرینینگ ایتیشیچه، امنیتی رسمیلر عملیاتلر جریانیده، عسکرلرگه ایلگری باریشگه رخصت بیرمهیدی.
چمکنی تومنی یشاوچیلرینینگ ایتیشیچه، اوروش تأثیری، برچه ایش و کوچلری و کوندهلیک حیاتلرینی قیینچیلیککه روپهره قیلگن.
عین حالده، مدافعه وزیرلیگی رسمیلرینینگ ایتیشیچه، یقینده بیر برنامه آرقهلی طالبلرگه قرشی حربی عملیات یولگه قویهدیلر.
مدافعه وزیرلیگی سوزلاوچیسی اورین باسری دولت وزیرینینگ سلاموطندارگه ایتیشیچه، هر بیرعسکر اوز ایستهگی بیلن طالبلرگه قرشی کورهشه آلهدی. اونینگ کوپهیتیریشیچه، طالبلر برابریده عسکرلرنینگ اوروش فرمانیگه احتیاجی یوق دیر.
چمکنی تومنی یشاوچیلرینینگ ایتیشیچه، پاکستانلیک طالبلرهم بو اوروشده حضور کیلتیرگن و پاکستان دولتی اولردن حمایت قیلهدی.
محلدهگی امنیتی کوچلر و یشاوچیلرنینگ ایتیشیچه، طالبلرگه قرشی عملیات تیزلیکده باشلنمسه، طالبلر مذکور تومننی کوپینچه منطقهسینی باسیب آلهدی.
