آتم مینی پارتلاوچی جیبه (واسکت) کییب، حکومت رسمیلریدن بیرینینگ ترور قیلیش خصوصیده، طالبلرگه نذر قیلدی. طالبلر مینی اوزیمنی پارتلهتیب جنت باریشیمگه بویروغ بیردی. طالبلرگه کوره، اوزینی پارتلتگن یاشلر توغری جنت بارهدی ایکن.
بو 12 یاشر باله ذکریانینگ بیاناتلری دیر کیم، پارتلهتیش هجوم عملگه آشیریش خصوصیده، آتهسی تامانیدن نذر قیلنگن. او، (جمعه کون) طالبلرنینگ آلدیدن قاچیب فاریاب ولایتی قیصار تومنیده جایلشگن امنیتی کوچلرگه قوشیلگن. ذکریانینگ آتهسی محمدشاه، فاریاب ولایتیده طالبلرنینگ اونملی کیشیلریدن بیری بولگن.
قیصار تومنی پولیس قومندانی نظام الدین، سلاموطندار بیلن اوتکزگن صحبتیده، اوشبو موضوعنی تصدیقلب و شونینگدیک ایتیشیچه، اوشبو باله نیچه مرته طالبلر تامانیدن جنسی زورلنگن.
فاریاب امنیه قومندانی سیدآقا اندرابینینگ ایتیشیچه، ذکریا عایلهسی تامانیدن طالبلرگه 700 مینگ افغانی ساتیلگن و انچه پیتدن بویان، اوشبو گروه تامانیدن پارتلهتیش هجوم خصوصیده، تعلیم کورگن.
ذکریانینگ ایتیشیچه، او بیلن باشقه آلتی باله عصیانچیلیک خصوصیده، تعلیم کورر ایکن و فاریاب ولایتیدهگی طالبلرنینگ مهم قومندانلریدن بیری ملاقیوم زورهوانلیک بیلن پول تولب اوشبو بالهلرنی عایلهلریدن اجرهتیب و خودکش هجوم اویوشتیریش اوچون تربیهلهیدی.
مذکور ولایت پولیس قومندانی، طالبلرنینگ بالهلردن فایدهلنیشینی، اوشبو گروه کوچسیزلیگی بیلیب و شونینگدیک، عایلهلری تامانیدن بالهلرنینگ، طالبلرگه خودکش هجوم اویوشتیریش خصوصیده، بیریلیش اصلی عاملی قورقینچ و قشاقلیک دیب بیلهدی.
طالبلر حاضرگچه بوتوغریده هیچ نرسه دیمهگن.
بیرلشگن ملتلر تشکیلاتینینگ بالهلر حقوقی توغریسیدهگی کنوانسیونی اساسیده، هر بیر کیشی 18 یاشیدن قویی بولسه باله دییلهدی و اوشبو یاشدن قویی کیشیلردن فایدهلنیش ناقانونی دیر، بیراق افغانستان اینیقسه اوزاق ولایتلردهگی بالهلر توغریسیده، ترقهتیلگن گزارشلرگه کوره، طالبلر حاکم بولگن منطقهلریده کینگ شکلده بالهلردن فایدهلنهدی.
