ولسی جرگه اعضالریدن کوپیسی حکومت بیلن طالبلر ارا تینچلیک سوزلهشیشلر ایکینچی اولتیریشی بولمسدن آلدین، بوگروه بیلن آتش قالدیریش قیلیشلرینی ایستهگنلر. بونمایندهلرنینگ ایتیشلریچه، سوزلهشیشلرگه قرشی ایمسلر، اما آتشبس بولیشنی ایستیدیلر.
کینگش اعضالریدن بیری نظیفه ذکی کینگشنینگ بوگونکی اولتیریشیده چیقیش قیلیب ایتیشیچه، حاضرهم ایریم ولایتلر ناتینچ قالگن و ولایتلرده هرکون اونلرچه نظامی و تینچ اهالی اولدیریلهدی.
اونگه کوره، باید بیرینچیدن ایکی تامان آتشبس اعلام بولسه و کیین سوزلهشیشلر باشلنسه.
بوسوزلر شوپیتده ایتیلماقده دیرکیم، بیش کون آلدین طالبلر بیلن پاکستان مری شهریده اوتکزیلگن تینچلیک سوزلهشوولری بولیب اوتدی. 4 ساعتنی ایچیده آلگن اوچرهشووده، امیریکه و چین اولکهلرینینگ نمانیدهلری هم قتنشگن ایدی.
کینگش بیرینچی اورین باسری ظاهر قدیرنینگ بیلدیریشیچه، تینچلیک اولکه یشاوچیلری ایستهگی دیر، اما حکومت قدرت تیلاوچیلر موضوعسیدن هم خبر بولیشی کیرهک.
جناب قدیرگه کوره، تینچلیک اوچون حاضرگی یوتوقلر چیکلنتیریلیب، نابود بولمهسین. اونینگ ایتیشیچه، آتشبس بولمهگن بیرحالده تینچلیک سوزلهشیشلری اولکه نفعگه ایمس.
شونینگدیک تینچلیک یوکسک کینگش سوزلاوچیسی و پارلمان عضوی شهزاده شاهدگه کوره، طالبلربیلن رسمی سوزلهشیش ایکینچی دوری هییتدن کیین تیزلیکده اوتکزیلیشی کوزهتیلگن. اونینگ ایتیشیچه، اوشندهیکه بوسوزلهشیشلر جای و تاریخی انیقلنتیریلمهگن، اما اونده طالبلر تامانیدن آتشبس بولیش و شرطلری بارهسیده سوزله شیلهدی.
جناب شاهدگه کوره، کیلهسی اولتیریشده آتشبس، ایکی تامان قتنشه دیگنلر لیستی و موجود قرمه قرشیلیکلر بارهسیده سوزله شیلهدی.
موندن آلدین هم تشقی ایشلر وزیرلیگینینگ سیاسی اورین باسری حکمتخلیل کرزی و افغانستان هیأت اعضالریدن بیری هم کیلگوسی اوچره شووده بحث بولهدیگن موضوعلردن بیری ایکی تامان آتشبس موضوعسی دیگن ایدی.
افغانستان حکومتینینگ طالبلربیلن بو بیرینچی رسمی اوچرهشووی ایدی. ایتیلیشیچه بیرینچی اوچرهشووده طالبلر روحیهسی مثبت کورسهتیلگن.
