مملکت جمهوررئیسی اشرف غنی ترکیه‌ده یولگه قوییلگن آسیا یوره‌گیده‌گی مملکت‌لرنینگ 8- ییغینیده ایتیشیچه، کیله‌جکده باشلنه‌دیگن افغانلرارا سوزلشوولرگه شرط کیره‌ک ایمس دیر.
اونگه کوره، افغانستان حکومتی نینگ 7 ماده‌لیک تینچلیک ریجه‌سیده، افغانستان یشاوچیلری و خلق‌ارا جماعه‌سی نینگ تکلیفی کیریتیلگن.
جناب غنی نینگ کوپه‌یتیریشیچه، اوروش یکونلنیشی و افغانستان یشاوچیلری نینگ ایسته‌کلرینی بیللی قیلیش اوچون کیچیک مردمی بیر ییغین کیره‌ک.
بوندی بیاناتلر ارایه ایتیلگن بیر حالده، نیچه پیت آلدین جناب غنی افغانلرارا سوزلشوولر باشلنیشی گه هرتامانلمه آتیش کیسین نی شرط قویگن ایدی.
مذکور ییغینده ترکیه جمهوررئیسی رجب طیب اردغان نینگ ایتیشیچه، داعش نی بوتونلی نابود قیلیش اوچون افغانستان‌ده مذکور گروه گه قرشی جدی کوره‌شیش کیره‌ک.
شونینگدیک جناب اردغان ترکیه نینگ افغانستان هوایی کوچلردن حمایت قیلیش، مخدره ماده گه قرشی کوره‌ش و عیاللرنی کوچ‌لنتیریشی حقیده‌گی یاردم‌لرینی دوامیدن خبر بیرگن.
